ബി ഉണ്ണികൃഷ്ണന്‍ ഒരുക്കുന്ന ദിലീപ് ചിത്രമാണ് കോടതി സമക്ഷം ബാലന്‍ വക്കീല്‍. ഈ ചിത്രത്തിന്റെ ടീസര്‍ പുറത്ത്. എന്നാല്‍ സമൂഹമാധ്യമങ്ങളില്‍ ചിത്രത്തിന്റെ ടീസര്‍ പങ്കുവച്ച നടന്‍ നിവിന് പോളി അടക്കമുള്ള നടന്മാര്‍ക്കെതിരെ രൂക്ഷ വിമര്‍ശനമുയരുന്നു.
നിവിന് പുറമേ നടന്മാരായ സണ്ണി വെയ്ന്‍, ടൊവിനോ തോമസ് എന്നിവരും ചിത്രത്തിന്റെ ടീസര്‍ പങ്കുവച്ചുകൊണ്ട് ദിലീപിനും അണിയറപ്രവര്‍ത്തകര്‍ക്കും ആശംസകള്‍ നേര്‍ന്നിരുന്നു. ഇവരുടെ പോസ്റ്റിനു താഴെ ഒരു കുറ്റവാളിയുടെ സിനിമയെ പ്രോത്സാഹിപ്പിച്ച നിങ്ങളെ കുറിച്ചോര്‍ത്ത് പുച്ഛം തോന്നുന്നു വെന്നും നടി ആക്രമിക്കപ്പെട്ട സംഭവത്തെ കുറിച്ചോ മറ്റു പ്രധാന വിഷയങ്ങളെകുറിച്ചോ ഇന്നേവരെ പ്രതികരിക്കാതെ മൗനം പാലിച്ചവര്‍ ഇപ്പോള്‍ കുറ്റാരോപിതനായ ഒരു താരത്തെ പിന്തുണയ്ക്കുന്നത് ഭയപ്പെടുത്തുന്നുവെന്നും ഇത് ശരിയായ പ്രവണത അല്ലെന്നുമുള്ള വിമര്‍ശനം ശക്തമാകുന്നു.
എന്നാല്‍കുറ്റവാളിയാണെന്ന് തെളിയാത്ത സാഹചര്യത്തില്‍ ഒരു സഹപ്രവര്‍ത്തകന്റെ ചിത്രത്തിന്റെ ടീസര്‍ പങ്കുവച്ചതില്‍ ഇത്രയധികം വിമര്‍ശിക്കേണ്ടതില്ലെന്ന അഭിപ്രായവുമായി മരുഭാഗവും രംഗത്തുണ്ട്.
Post Your Comments