മമ്മൂട്ടി നായകനാവുന്ന ചരിത്ര സിനിമ മാമാങ്കം ചിത്രീകരണം പുരോഗമിക്കുകയാണ്. സജീവ് പിള്ള ഒരുക്കുന്ന ബിഗ്ബജറ്റ് ചിത്രം മാമാങ്കത്തില്‍ നിന്നും ക്വീന്‍ താരം ധ്രുവനെ പുറത്താക്കിയതായി റിപ്പോര്‍ട്ട്. ക്വീന്‍ എന്ന ചിത്രത്തിലൂടെ ശ്രദ്ധിക്കപ്പെട്ട താരമാണ് ധ്രുവന്‍. യാതൊരു മുന്നറിയിപ്പുകളുമില്ലാതെയാണ് താരത്തെ ഈ ചിത്രത്തില്‍ നിന്നും ഒഴിവാക്കിയതെന്നു ഒരു പ്രമുഖ മാധ്യമം റിപ്പോര്‍ട്ട് ചെയ്യുന്നത്.
മാമാങ്കത്തിനായി കഠിനാദ്ധ്വാനം ചെയ്തും കളരിയുമൊക്കെ താരം അഭ്യസിച്ചിരുന്നു. എന്നാല്‍ ചിത്രീകരണം പാതി വഴി പിന്നിട്ടപ്പോള്‍ ധ്രുവന്‍ ഒഴിവാക്കപ്പെടുകയായിരുന്നു. നാല് അഞ്ച് ദിവസങ്ങള്‍ക്കു മുന്‍പാണ് ചിത്രത്തില്‍ നിന്ന് തന്നെ ഒഴിവാക്കുകയാണെന്ന് ചിത്രത്തിന്റെ പ്രൊഡക്ഷന്‍ കണ്‍ട്രോള്‍ വിളിച്ചു അറിയിക്കുന്നതെന്നും തന്നെ ചിത്രത്തില്‍ നിന്ന് മാറ്റുന്നതിന്റെ കാരണം അറിയില്ലെന്നും ധ്രുവന്‍ ഒരു മാധ്യമത്തോട് പ്രതികരിച്ചു.
താരത്തിന്റെ വാക്കുകള്‍ ഇങ്ങനെ.. ‘ സജീവ് പിളള എന്ന സംവിധായകന്റെ വര്‍ഷങ്ങള്‍ നീണ്ട സ്വപ്നമാണ് മാമാങ്കം. മാമാങ്കത്തില്‍ അഭിനയിക്കുന്നതിനു വേണ്ടി ഞാന്‍ എടുത്ത എഫര്‍ട്ട് വളരെയധികമാണ്. ജിമ്മില്‍ നിന്ന് കളരിയിലേയ്ക്ക് നിര്‍ത്താത്ത ഓട്ടമായിരുന്നു. മമ്മൂക്കയും സജീവ് സാറും വളരെയധികം എന്നെ പിന്തുണച്ചിരുന്നു. മമ്മൂക്കയുടെ കൂടെ അഭിനയിക്കാന്‍ പറ്റില്ലല്ലോയെന്നാണ് എന്റെ ഏറ്റവും വലിയ വിഷമം. എനിക്കു ലഭിച്ചത് മികച്ച അവസരമായിരുന്നു. കൈവിട്ടു പോകുമ്പൊഴും പരിഭവങ്ങളോ പരാതികളോ ഇല്ല. ഒരു വര്‍ഷം ഞാന്‍ എടുത്ത എഫര്‍ട്ട് വെറുതയായി എന്ന ദുഖം മാത്രം’
Post Your Comments