മമ്മൂട്ടി ചിത്രം മാമാങ്കത്തില്‍ നിന്നും തന്നെ പുറത്താകി എന്ന് യുവനടന്‍ ധ്രുവന്‍ വെളിപ്പെടുത്തിയത് വലിയ വാര്‍ത്തയായി. സജീവ് പിള്ള സംവിധാനം ചെയ്യുന്ന ഈ ബിഗ്‌ ബഡ്ജറ്റ് ചിത്രത്തിന്‍റെ ശൂട്ടിങ്ങിനിടയില്‍ കാരണം ഒന്നും വെളിപ്പെടുത്താതെയാണ് തന്നെ പുറത്താക്കിയതെന്നും താരം പറഞ്ഞിരുന്നു. ചിത്രം മമ്മൂട്ടിയുടെ കരിയറിലെ ഏറ്റവും വലിയ സിനിമയാണ്.’മമ്മൂക്കയും സജീവ് സാറും വളരെയധികം എന്നെ പിന്തുണച്ചിരുന്നു. മമ്മൂക്കയുടെ കൂടെ അഭിനയിക്കാന്‍ പറ്റില്ലല്ലോയെന്നാണ് എന്റെ ഏറ്റവും വലിയ വിഷമം. എനിക്കു ലഭിച്ചത് മികച്ച അവസരമായിരുന്നു. കൈവിട്ടു പോകുമ്ബോഴും പരിഭവങ്ങളോ പരാതികളോ ഇല്ല. ഒരു വര്‍ഷം ഞാന്‍ എടുത്ത എഫര്‍ട്ട് വെറുതയായി എന്ന ദുഖം മാത്രം’ ധ്രുവന്‍ പറഞ്ഞു.
എന്നാല്‍ ഈ വിഷയത്തില്‍ സംവിധായകന്റെ പ്രതികരണം ധ്രുവനെ പുറത്താക്കിയതിനെക്കുറിച്ച്‌ അറിയില്ലെന്നായിരുന്നു. പുറത്താക്കിയിട്ടുണ്ടെങ്കില്‍ അത് ഈഗോ പ്രശ്‌നം കാരണമായിരിക്കും എന്നും സജീവ് പിള്ള പറഞ്ഞു. ധ്രുവന്‍ മികച്ച നടനാണെന്നും കഠിനാധ്വാനം കൊണ്ട് തന്നെ അത്ഭുതപ്പെടുത്തിയെന്നുമാണ് സംവിധായകന്റെ വാക്കുകള്‍.
Post Your Comments