മലയാളത്തിന്റെ മെഗാതാരം മോഹന്‍ലാലിനെ താരപദവിയിലേക്ക് ഉയര്‍ത്തിയതില്‍ മികച്ച പങ്കുവഹിച്ച ചിത്രങ്ങളില്‍ ഒന്നാണ് 1984ല്‍ പുറത്തിറങ്ങിയ ഉയരങ്ങളില്‍. മോഹന്‍ലാല്‍ പ്രതിനായക കാഥാപാത്രമായി നിറഞ്ഞാടിയ ഈ ചിത്രം എം.ടി വാസുദേവന്‍ നായരുടെ തിരക്കഥയില്‍ ഐ.വി ശശിയാണ് ഒരുക്കിയത്.
ആ ചിത്രം വര്‍ഷങ്ങള്‍ക്ക് ശേഷം റീമേക്ക് ചെയ്യപ്പെടുന്നു. വൈശാഖ് രാജന്‍ നിര്‍മ്മിച്ച്‌ ഐ.വി ശശിയുടെ അസോസിയേറ്റ് ആയിരുന്ന ജോമോന്‍ സംവിധാനം ചെയ്യുന്ന ചിത്രത്തിന് കഥയും തിരക്കഥയും ഒരുക്കുന്നത് എം.ടി തന്നെയാണ്. പുതിയ ചിത്രത്തിന്റെ പേര് ‘ഉയരങ്ങള്‍’ എന്നാണ്. മോഹന്‍ലാല്‍ ചെയ്ത കഥാപാത്രത്തിനെ ആര് അവതരിപ്പിക്കുമെന്ന് ഇതുവരെ തീരുമാനമായിട്ടില്ല.
Post Your Comments