കുഞ്ചാക്കോ ബോബനെ നായകനാക്കി ലാല്‍ ജോസ് ഒരുക്കുന്ന പുതിയ ചിത്രമാണ് ‘തട്ടുംപുറത്ത് അച്യുതന്‍’ . ചിത്രം റിലീസ് ആകുന്നതിനു മുന്‍പേ മോശം റിവ്യൂമായി എത്തിയിരിക്കുകയാണ് വിമര്‍ശകന്‍. എന്നാല്‍ ചിത്രം റിലീസാകാന്‍ കൂടി കാത്തു നില്‍ക്കാതെ മോശം പടമെന്ന് കമന്റിട്ട യുവാവിനെ ട്രോളി സംവിധായകന്‍ ലാല്‍ ജോസ് തന്നെ രംഗത്തെത്തി.
‘തട്ടുംപുറത്ത് അച്യുതന്‍’ എന്ന സിനിമയെക്കുറിച്ച്‌ ഒരാള്‍ ഒരു സിനിമാഗ്രൂപ്പില്‍ ഇട്ട പോസ്റ്റിന് താഴെയാണ് ഹിഷാം എന്ന യുവാവ് പടം കൊള്ളില്ല കാശ് പോയി എന്ന് ഇട്ടത്. ഈ കമന്റിന്റെ സ്‌ക്രീന്‍ഷോട്ട് പെട്ടെന്ന് വൈറലായി. സ്‌ക്രീന്‍ഷോട്ട് സംവിധായകന്റെ കയ്യിലുമെത്തി. സിനിമയെ ഇടിച്ചുതാഴ്ത്താന്‍ ശ്രമിച്ചയാള്‍ക്ക് അതേ നാണയത്തില്‍ തന്നെ ലാല്‍ജോസ് മറുപടി നല്‍കിയിരിക്കുകയാണ്. ‘അച്യുതന്‍ റിലീസായി എന്നു കരുതി പാവം. ഹിഷാമേ നാളെ പടം കാണണേ’ എന്നുപറഞ്ഞ് സ്‌ക്രീന്‍ഷോട്ട് സഹിതം ലാല്‍ജോസ് ഫെയ്‌സ്ബുക്കില്‍ പോസ്റ്റ് ചെയ്തു.
Post Your Comments