ബോളിവുഡ് സിനിമാ മേഖലയെ ഞെട്ടിച്ച് ബാലതാരത്തിന്റെ മരണം. ഷാഹിദ് കപൂർ നായകനായ ഹൈദറി’ൽ ബാലതാരമായി അഭിനയിച്ച കശ്മീരി ബാലൻ സാഖിബ്, ഭീകരസംഘവും സൈന്യവുമായുണ്ടായ ഏറ്റുമുട്ടലിൽ കൊല്ലപ്പെടു. കഴിഞ്ഞ ഒൻപതിന് ബന്ദിപോറയിലെ ഹാജിനിൽ 18 മണിക്കൂർ നീണ്ട ഏറ്റുമുട്ടലിലാണ് ഒരു ലഷ്കറെ തയിബ ഭീകരനെയും ഭീകരസംഘത്തിന് ഒപ്പമുണ്ടായിരുന്ന 2 കുട്ടികളെയും സൈന്യം വധിച്ചത്. ‘ഹൈദർ’ ഫെയിം സാഖിബ് ബിലാൽ, സമീപവാസിയായ ഒൻപതാം ക്ലാസുകാരൻ കുട്ടി എന്നിവരാണു ഭീകരസംഘാംഗത്തിനൊപ്പം കൊല്ലപ്പെട്ടതെന്ന് കഴിഞ്ഞ ദിവസമാണ് സ്ഥിരീകരിച്ചത്.
4 മാസം മുൻപാണ് പ്ലസ് വൺ സയൻസ് വിദ്യാർഥിയായ ബിലാലിനെ വീട്ടിൽനിന്ന് കാണാതാകുന്നത്. ബന്ധുക്കൾ തിരച്ചിൽ നടത്തി വരുന്നതിനിടെയാണു സംഭവം. ഉയർന്ന സാമ്പത്തിക നിലയുള്ള കുടുംബാംഗമായ ബിലാൽ ഭീകരർക്കൊപ്പം ചേർന്നത് എന്തിനാണെന്ന് ഇനിയും മനസ്സിലായിട്ടില്ലെന്നു ബന്ധുക്കൾ പറഞ്ഞു. ഒപ്പം കൊല്ലപ്പെട്ട ഒൻപതാം ക്ലാസുകാരൻ സമീപത്തെ ദരിദ്ര കുടുംബത്തിലെ അംഗമാണ്.
Post Your Comments