സൂപ്പര്‍താരങ്ങളുടെ വാഹന കമ്പം ആരാധകര്‍ക്കിടയില്‍ ചര്‍ച്ചയാണ്. എന്നാല്‍ താരങ്ങള്‍ വിമാനം പറത്തിയിട്ടുണ്ടോ എന്ന് അറിയാന്‍ ആകാംഷയിലാണ് ആരാധകര്‍. വിമാനം പറത്താന്‍ നന്നായി അറിയില്ലെങ്കിലും ഒരിക്കല്‍ അത് ചെയ്ത് നോക്കിയിട്ടുണ്ടെന്ന് താരം വ്യക്തമാക്കിയിട്ടുണ്ട്. റാസല്‍ഖൈമയില്‍ ദുബായ് സിനിമയുടെ ഷൂട്ടിംഗ് നടന്നപ്പോള്‍ കൊതുമ്പുവള്ളം പോലെ ഒരു ടു സീറ്റര്‍ വിമാനം പൈലറ്റിന്റെ സഹായത്തോടെ മമ്മൂട്ടി പറത്തിയിട്ടുണ്ട്.
മമ്മൂട്ടിയുടെ വാക്കുകള്‍ ഇങ്ങനെ.. ‘എനിക്കൊപ്പം കയറിയ പൈലറ്റ് നല്ല ട്രെയ്‍നറുമാണ്. കക്ഷിക്ക് ഞാന്‍ വിമാനം പറത്തണമെന്ന് നിര്‍ബന്ധം. കുറേ നിര്‍ബന്ധിച്ചപ്പോള്‍ ആത്മവിശ്വാസം തോന്നി. ജോയ്‍സ്റ്റിക് പോലുള്ള വടി പിടിച്ച് മുന്നോട്ടും പിന്നോട്ടും നീക്കിയാല്‍ മതി. പറഞ്ഞതുപോലെ ചെയ്തപ്പോള്‍ വിമാനം മുന്നോട്ടുനീങ്ങി, പൊങ്ങി. അതോടെ സംഗതി കൈവിട്ടെന്ന് തോന്നി. ലാന്‍ഡ് ചെയ്യാന്‍ താഴ്ന്ന് പറന്നപ്പോള്‍ ഇലക്ട്രിക് ലൈനുകള്‍ കാണാം. അതോടെ പേടി കൂടി. ഒടുവില്‍ എങ്ങനെയോ ഭൂമിയില്‍ തിരിച്ചെത്തി.
ദുബായ് സിനിമയുടെ ഇന്‍ട്രൊഡക്ഷന്‍ സീൻ ഞാൻ വിമാനം പറത്തുന്ന തരത്തിൽ ചിത്രീകരിച്ചാലോ എന്നു പോലും സംവിധായകൻ ജോഷി ആലോചിച്ചിരുന്നു. എന്നാല്‍ ഒരിക്കല്‍ക്കൂടി വിമാനം പറത്താനുള്ള മനക്കട്ടി എനിക്കുണ്ടായിരുന്നില്ല. അതിനാല്‍ ആ പ്ലാന്‍ ഉപേക്ഷിച്ചു.’
മുന്പ് വനിതയ്ക്കു നൽകിയ അഭിമുഖത്തിലാണ് മമൂട്ടി ഇത് പറഞ്ഞത്.
Post Your Comments