ഒൻപത് വർഷങ്ങൾ പിന്നിട്ടിട്ടും കഥാപാത്രം തരംഗമാകുന്നു; ട്രോളന്മാർക്ക് നന്ദി പറഞ്ഞ് സുരാജ്

സിനിമാ താരങ്ങളെ ട്രോളുന്നത് ഇപ്പോൾ പതിവ് കാഴ്ചയാണ്. എന്നാൽ ചിലർ ട്രോളുകളോട് മുഖം തിരിക്കുമ്പോൾ മറ്റുചിലർ ട്രോളുകളെ ഇരുകൈയ്യും നീട്ടി സ്വീകരിക്കുകയാണ് ചെയ്യുന്നത്. അതിലൊരാളാണ് സുരാജ് വെഞ്ഞാറന്മൂട്.

ട്രോളന്മാരുടെ കണ്ണിലുണ്ണിയെന്ന വിശേഷണത്തിന് അർഹനാണ് ദശമൂലം ദാമു. ‘നെ‌ഞ്ചിനകത്ത് ദശമൂലം, നെഞ്ചു വിരിച്ച് ദശമൂലം. മീശ പിരിച്ച് ദശമൂലം, മുണ്ടു മടക്കി ദശമൂലം’. എവിടെ തിരിഞ്ഞാലും ദശമൂലം. കക്ഷിയെ അറിയില്ലേ? പേരുകേട്ട ഗുണ്ടയാ! പ്രിയതാരം സുരാജ് വെഞ്ഞാറമൂട് ഗംഭീരമാക്കിയ കഥാപാത്രമാണ് ചട്ടമ്പിനാടിലെ ദശമൂലം ദാമു.

സിനിമ ഇറങ്ങി 9 വർഷങ്ങൾ പിന്നിട്ടിട്ടും ഈ കഥാപാത്രം ഇപ്പോഴും തരംഗമാണ്. ട്രോളന്മാരുടെ ഇടയിൽ തനിക്ക് ലഭിച്ച സ്വീകാര്യതയ്ക്ക് നന്ദി അറിയിക്കുകയാണ് സുരാജ്. ദശമൂലം ദാമു സൂപ്പർഹീറോ ആയി എത്തുന്ന ട്രോൾ വീഡിയോസ് ആണ് തന്റെ ഔദ്യോഗിക പേജിലൂടെ സുരാജ് പങ്കുവെച്ചിരിക്കുകയാണ്. ‘ട്രോളന്മാരുടെ സമ്മാനം… ഒരുപാട് നന്ദി ഉണ്ട് ഈ കാണിക്കുന്ന സ്നേഹത്തിനോട്’ എന്നും വീഡിയോയ്ക്ക് താഴെ സുരാജ് കുറിച്ചു.

https://www.facebook.com/surajofficialpage/videos/756194811392392/

https://www.facebook.com/surajofficialpage/videos/2218601631483152/