പ്രണവിന്റെ ഇരുപത്തിയൊന്നാം നൂറ്റാണ്ട് ചിത്രീകരണം പൂർത്തിയായി

ആദി എന്ന സൂപ്പർഹിറ്റ് ചിത്രത്തിന് വേഷം പ്രണവ് മോഹൻലാൽ നായകനായി എത്തുന്ന സിനിമയാണ് ഇരുപത്തിയൊന്നാം നൂറ്റാണ്ട്. രാമലീല എന്ന സൂപ്പർഹിറ്റ് ചിത്രത്തിന് ശേഷം അരുൺ ഗോപി ഒരുക്കുന്ന ചിത്രവും ആണിത്. സിനിമയുടെ ചിത്രീകരണം ഇന്ന് രാവിലെ പൂർത്തിയായി. ടോമിച്ചൻ മുളകുപാടം ആണ് ചിത്രം നിർമ്മിക്കുന്നത്. അഭിനന്ദ് രാമാനുജൻ ഛായാഗ്രഹണം നിർവഹിക്കുന്ന ചിത്രത്തിൽ ഗോപി സുന്ദർ ആണ് സംഗീതം ഒരുക്കുന്നത്. സോഷ്യൽ മീഡിയ വഴി അരുൺ ഗോപിയാണ് ചിത്രീകരണം അവസാനിച്ച കാര്യം പങ്ക് വച്ചത്.

ഇന്ന് രാവിലെ ഇരുപത്തിയൊന്നാം നൂറ്റാണ്ട് എന്ന നമ്മുടെ സിനിമയുടെ പാക്ക് അപ്പ് ആയിരുന്നു എന്റെ രണ്ടാമത്തെ(സംവിധാനം) എന്റെ ആദ്യത്തെ(എഴുത്തു)സിനിമ.!!! എല്ലാരോടും നന്ദി മാത്രം തോളോട് ചേർന്ന് സ്വപനം സാധ്യമാക്കി നൽകിയ എല്ലാരോടും..!!! വാക്കിലൊതുങ്ങാതെ സ്നേഹം ടോമിച്ചയനോടും, അപ്പുവിനോടും, നോബിളിനോടും, ആന്റണി ചേട്ടനോടും, മലയാളത്തിന്റെ വിസ്മയം ലാലേട്ടനോടും ഇവരാണ് ഈ സിനിമയുടെ കാരണക്കാർ..!! നന്ദി..!! പ്രൊഡക്ഷനിലെ ബിജുവിൽ തുടങ്ങി എന്തിനും ഏതിനും വലം കൈ ആയി നിന്ന പാർത്ഥനും ഷിഹാബിനോടുമൊക്കെ നന്ദിയിൽ ഒതുക്കാൻ കഴിയില്ല എന്ന് അറിയാം..!! എന്നെക്കാളേറെ ഈ സിനിമയ്ക്കായി നെട്ടോട്ടം ഓടിയ എന്റെ ടീം പാർത്ഥൻ, ബാലു, അമൃത്, ലാൽ, ആരോൺ, ഓസ്റ്റിൻ, ശിവറാം, ആൻമി, അന്നു, സജിത്ത് നിങ്ങളെ ഹൃദയത്തോട് ചേർക്കുന്നു..!! ഇനി ഒരു കാത്തിരിപ്പാണ് അഭിനന്ദനും ഞാനും ജോസഫ് നെല്ലിക്കലും പീറ്റർ ഹെയ്‌നും ലിബിനും ധന്യയുമൊക്കെ മനസ്സ് അറിഞ്ഞു ചെയ്ത ഈ സിനിമ വിവേക് ഹർഷനിലൂടെ ഗോപി സുന്ദറിലൂടെ രംഗനാഥ് രവിയിലൂടെ പൂർണമായി വെള്ളിത്തിരയിലെത്താൻ..!! കൂടെ ഉണ്ടാകുമെന്ന വിശ്വാസത്തോടെ..
പ്രാർത്ഥനയോടെ..
സ്നേഹത്തോടെ അരുൺ ഗോപി