തമിഴ്നാട്ടില്‍ ജഗ ചുഴലികാറ്റില്‍ ദുരിതത്തിലായവര്‍ക്ക് വീട് നിര്‍മ്മിച്ചു നല്‍കുമെന്ന് ആരാധകരുടെ പ്രിയതാരം ലോറന്‍സ് രാഘവ്. ജഗയില്‍ വീടു തകര്‍ന്ന ഒരു വൃദ്ധയായ സ്ത്രീയുടെ വീഡിയോ സോഷ്യല്‍ മീഡിയയില്‍ പ്രചരിച്ചിരുന്നു. ആ അമ്മയുടെ അവസ്ഥകണ്ടു കണ്ണ് നനഞ്ഞുവെന്ന് താരം പറയുന്നു.
ചുഴലിക്കാറ്റിനെ തുടര്‍ന്ന് ദുരത്തിലായ 50 പേര്‍ക്ക് വീട് നിര്‍മ്മിച്ചു നല്‍കുമെന്നാണ് ലോറന്‍സ് അറിയിച്ചിരിക്കുന്നത്. സഹായം ആവശ്യമുള്ളവരെപറ്റി തന്നെ അറിയിക്കണമെന്നും ലോഘന്‍സ് തന്റെ ഫെയ്‌സ്ബുക്ക് പേജിലൂടെ അറിയിച്ചു.
താരത്തിന്റെ പോസ്റ്റ്
‘ഗജ’ ചുഴലിക്കാറ്റിന്റെ കെടുതിയില്‍പ്പെട്ട 50 പേര്‍ക്ക് വീട് നിര്‍മ്മിച്ചു നല്‍കാം എന്ന് ഞാന്‍ പ്രഖ്യാപിച്ചിരുന്നു. ചുഴലിക്കാറ്റ് ബാധിക്കപ്പെട്ട കൂടുതല്‍ ആളുകള്‍ ഉണ്ടെങ്കില്‍ അറിയിക്കാനും ആവശ്യപ്പെട്ടിരുന്നു. വീട് നഷ്ടപ്പെട്ടുപോയ വൃദ്ധയായ ഒരമ്മയുടെ വീഡിയോ കുറച്ചു കുട്ടികള്‍ ട്വിറ്ററില്‍ പോസ്റ്റ് ചെയ്തിരുന്നു. അത് കണ്ടിട്ട് എനിക്ക് വിഷമം തോന്നി. ഉടന്‍ തന്നെ ആ കുട്ടികളുമായി ബന്ധപ്പെട്ടു. അവരുടെ പ്രവര്‍ത്തി പ്രശംസനീയമാണ്. അത് കൊണ്ട് ആ അമ്മയുടെ വീട് നിര്‍മ്മിക്കുന്ന ഉത്തരവാദിത്തം അവരെത്തന്നെ ഏല്‍പ്പിച്ചു. ഇന്ന് മുതല്‍ ആ വീടിന്റെ ജോലികള്‍ തുടങ്ങുകയാണ്. ഇതെന്റെ ആദ്യ വീടാണ്. നിങ്ങളുടെ അനുഗ്രഹങ്ങളും പിന്തുണയും വേണം. സഹായം അവശ്യമുള്ളവരെ അറിയാമെങ്കില്‍, എന്നെ അറിയിക്കുകയും വേണം’, ലോറന്‍സ് ഫെയ്‌സ്ബുക്കില്‍ കുറിച്ചു.
Post Your Comments