മോഹന്‍ലാല്‍ നായകനായി, സിനിമയ്ക്കുള്ളിലെ സിനിമ പറഞ്ഞ ഉദയനാണ് താരം എന്ന ചിത്രം മലയാളികള്‍ മറക്കില്ല. ചിത്രത്തില്‍ ’പച്ചാളം ഭാസി’യായി തകര്‍ത്തഭിനയിച്ചത് നടന്‍ ജഗതി ശ്രീകുമാര്‍ ആയിരുന്നു. മലയാളികളെ മനസ്സറിഞ്ഞ് ചിരിച്ചിച്ച ജഗതി ശ്രീകുമാര്‍ ഇടവപ്പാതി എന്ന ചിത്രത്തിന്‍റെ ഷൂട്ടിങ്ങിനിനായി പോകുന്നതിനിടയില്‍ നേരിട്ട വാഹനാപകടത്തില്‍ പരിക്കേറ്റതിനെ തുടര്‍ന്ന് വിശ്രമ ജീവിതത്തിലാണ്. വാഹനാപകടത്തില്‍ നിന്ന് ജീവിതത്തിലേക്ക് ചിരിച്ചുകൊണ്ട് കടന്നെത്തിയെങ്കിലും പരിപൂര്‍ണ സുഖം പ്രാപിക്കാനായിട്ടില്ല. വീല്‍ചെയറില്‍ നിന്ന് എഴുന്നേല്‍ക്കാനുള്ള പരിശ്രമത്തിലാണ് അദ്ദേഹം.
ആരാധകരും താരങ്ങളും എപ്പോഴും ജഗതിയുടെ സുഖ വിവരങ്ങള്‍ അന്വേഷിക്കാറുണ്ട്. അടുത്തിടെ നവ്യ നായര്‍ ജഗതിയെ കാണാനെത്തിയതും ജഗതി പാട്ടുപാടുന്ന വീഡിയോ പങ്കുവച്ചതും മലയാളികള്‍ ആഘോഷമാക്കിയിരുന്നു. ജഗതിയുടെ സ്വന്തം നവരസങ്ങളുടെ വീഡിയോ നവ്യ പങ്കുവച്ചിരിക്കുകയാണ്. ’പച്ചാളം ഭാസി’ അവതരിപ്പിച്ച നവരസങ്ങള്‍ പഴയ അതേ തീവ്രതയോടെ തന്നെയാണ് ജഗതി വീണ്ടും ആവര്‍ത്തിച്ചിരിക്കുന്നത്.
Post Your Comments