പ്രേമം എന്ന നിവിന്‍ പോളി ചിത്രത്തില്‍ ജോര്‍ജ്ജിനൊപ്പം ആരാധക ഹൃദയം കീഴടക്കിയ രണ്ടു കഥാപാത്രങ്ങളാണ് ശംഭു, കോയ എന്നിവര്‍. ചിത്രത്തില്‍ ശംഭുവിനെ അവതരിപ്പിച്ച യുവനടന്‍ ശബരീഷ് വര്‍മ വിവാഹിതനായി. പ്രേമം സിനിമയുടെ തന്നെ അസോഷ്യേറ്റ് ആര്‍ട് ഡയറക്ടറായിരുന്ന അശ്വിനി കെയ്ല്‍ ആണ് ശംഭുവിന്റെ വധു.
ഏറെ നാളുകളായി പ്രണയത്തിലായിരുന്ന ഇരുവരുടേത് റജിസ്റ്റര്‍ വിവാഹമായിരുന്നു. വിവാഹശേഷം ഇന്നലെ കൊച്ചിയില്‍ സുഹൃത്തുക്കള്‍ക്കായി റിസപ്ഷന്‍ ശബരീഷ് സംഘടിപ്പിച്ചിരുന്നു. ആസിഫ് അലി, വിനയ് ഫോര്‍ട്ട് അടക്കമുളള താരങ്ങള്‍ ഈ പരിപാടിയില്‍ പങ്കെടുത്തു.
നേരം സിനിമയിലെ രാജേഷ് മുരുകേശന്റെ സംഗീതസംവിധാനത്തില്‍ ശബരീഷ് വര്‍മ പാടിയ പിസ്ത ഗാനം സോഷ്യല്‍ മീഡിയയില്‍ വൈറല്‍ ആയിരുന്നു. സൗണ്ട് എന്‍ജിനീയറായി നിരവധി ചിത്രങ്ങളുടെ പിന്നണിയില്‍ പ്രവര്‍ത്തിച്ചിട്ടുള്ള ശബരീഷ് പ്രേമം കൂടാതെ നാം, തൊബാമ എന്നീ ചിത്രങ്ങളിലും അഭിനയിച്ചിട്ടുണ്ട്.
Post Your Comments