അല്‍ഫോന്‍സ് പുത്രന്‍റെ നിവിന്‍ പോളി ചിത്രം പ്രേമത്തിലെ ‘മലര്‍’ എന്ന കഥാപാത്രത്തിലൂടെ മലയാളികളുടെ മനം കവര്‍ന്ന നായിക സായി പല്ലവി വീണ്ടും മലയാളത്തിലേയ്ക്ക്. പ്രേമത്തിനു ശേഷം ഒരു മലയാളം ചിത്രത്തില്‍ മാത്രമേ സായി അഭിനയിച്ചിരുന്നുള്ളൂ. 2016ല്‍ ദുല്ഖറിനെ നായകനാക്കി സമീര്‍ താഹിര്‍ ഒരുക്കിയ കലിയായിരുന്നു സായിയുടെ അവസാനത്തെ മലയാള ചിത്രം. ഇതിനു ശേഷം തമിഴ്, തെലുങ്ക് ചിത്രങ്ങളില്‍ തിരക്കുള്ള നായികയായി മാറിയ സായ് പല്ലവി ഫഹദിന്റെ നായികയായി വീണ്ടും മലയാളത്തിലേയ്ക്ക്.
നവാഗതനായ വിവേക് സംവിധാനം ചെയ്യുന്ന ചിത്രത്തിലാണ് സായി എത്തുന്നത്. ഈ ചിത്രത്തിന്‍റെ സംഭാഷണം രചിക്കുന്നത് ഈമയൗവിന്‍റെ തിരക്കഥാകാരന്‍ പി എഫ് മാത്യൂസ് ആണ്. സിനിമയുടെ ചിത്രീകരണം ഊട്ടിയില്‍ ആരംഭിച്ചുവെന്ന് റിപ്പോര്‍ട്ട്. അതുല്‍ കുല്‍കര്‍ണി, പ്രകാശ് രാജ്, സുരഭി, സുദേവ് നായര്‍, രണ്‍ജി പണിക്കര്‍, ലെന, ശാന്തി കൃഷ്ണ തുടങ്ങി വന്‍ താരനിരയുണ്ട് ചിത്രത്തില്‍. ഇനിയും പേരിട്ടിട്ടില്ല ചിത്രത്തിന്.
Post Your Comments