പൃഥ്വിരാജിന്റെ ചോക്കലേറ്റ് എന്ന ചിത്രം ഓര്‍മ്മയില്ലേ. പെണ്‍കുട്ടികള്‍ മാത്രമുള്ള കോളേജില്‍ പഠിക്കാന്‍ എത്തുന്ന ഒരു ചെറുപ്പക്കാരന്റെ കഥ പറഞ്ഞ ചോക്കലേറ്റ് 2007 ലെ വന്‍ വിജയമായിരുന്നു. എന്നാല്‍ ഈ ചിത്രത്തിന്‍റെ കഥ വീണ്ടും എത്തുന്നു. ചോക്ലേറ്റ് റീടോള്‍ഡ് എന്ന് പേരിട്ടിരിക്കുന്ന ചിത്രം സംവിധാനം ചെയ്യുന്നത് ബിനു പീറ്ററാണ്. എന്നാല്‍ ഈ ചിത്രം ചോക്കലേറ്റിന്റെ രണ്ടാം ഭാഗമോ റീമേക്കോ ആല്ല. ഈ ചിത്രത്തിന്‍റെ തിരക്കഥ ഒരുക്കുന്നത് സേതുവാണ്. ചോക്ലേറ്റിന് തിരക്കഥ ഒരുക്കിയത് സച്ചിയും സേതുവും ചേര്‍ന്നായിരുന്നു.
”ചോക്ലേറ്റിന്റെ പുതിയ ആവിഷ്‌കാരമായിരിക്കും ചിത്രം. 3000 പെണ്‍കുട്ടികളുള്ള ഒരു കോളേജിലേക്ക് അഭിമന്യു എന്ന ചെറുപ്പക്കാരന്‍ വരുന്നതാണ് ചിത്രം. പഠിക്കാനോ പഠിപ്പിക്കാനോ അല്ല അഭിമന്യു വരുന്നത്. അയാള്‍ എന്തിനാണ് വരുന്നത് എന്ന കാരണവും വിദ്യാര്‍ത്ഥികളിലുണ്ടാക്കുന്ന മാറ്റവുമാണ് ചിത്രം പറയുന്നത്” സേതു പറയുന്നു
Post Your Comments