ലോകമെബാടുമുള്ള ഇന്ത്യൻ സിനിമ പ്രേമികൾ ഒരുപോലെ കാത്തിരിക്കുന്ന ഇന്ത്യൻ വിസ്മയം ആണ് 2.0 എന്ന രജനികാന്ത് ചിത്രം. വമ്പൻ ബഡ്ജറ്റിൽ ഒരുങ്ങുന്ന ചിത്രം സംവിധാനം ചെയ്യുന്നത് ബ്രഹ്മാണ്ഡ സംവിധായകൻ ശങ്കർ. 2012 ൽ ശങ്കർ തന്നെ സംവിധാനം ചെയ്ത എന്തിരൻ എന്ന ചിത്രത്തിന്റെ രണ്ടാം പതിപ്പാണിത്. ചിത്രത്തിന്റെ പുറത്തു വന്ന ട്രെയിലറിന് എല്ലാം മികച്ച അഭിപ്രായം ആണ് ലഭിക്കുന്നത്. ആമി ജാക്‌സൺ ആണ് ചിത്രത്തിലെ നായികാ. രജനി ഡോക്ടർ വസീഗരൻ, ചിട്ടി എന്നി രണ്ടു വേഷങ്ങളിൽ ആണ് എത്തുന്നത്.
ചിത്രം കേരളത്തിൽ എത്തിക്കുന്നത് മലയാളത്തിൽ ആദ്യ 100 കോടി എത്തിച്ച പുലിമുരുകന്റെ നിർമാതാവ് ടോമിച്ചൻ മുളകുപാടം ആണ്. ചിത്രത്തിന്റെ കേരളത്തിലെ വിതരണാവകാശം 15 കോടി കൊടുത്താണ് നേടിയതെന്ന് ടോമിച്ചൻ അറിയിച്ചു. എന്തിരൻ കേരളത്തിൽ നേടിയ വിജയത്തിന്റെ അടിസ്ഥാനത്തിൽ ആണ് ടോമിച്ചന്റെ ഈ നീക്കം. 600 കോടിയുടെ പടത്തിൽ എന്തങ്കിലും ഒക്കെ കാണുമെന്നും നമ്മളും സിനിമ നിർമിക്കുന്ന ആളുകൾ അല്ലെ എന്നും ടോമിച്ചൻ പറയുന്നു. കേരളത്തിൽ 450 സ്‌ക്രീനുകളിൽ ഒരു വമ്പൻ റിലീസ് ആണ് ടോമിച്ചൻ ആലോചിക്കുന്നത്.
നവംബർ 29 ന് തീയേറ്ററുകളിൽ എത്തുന്ന ചിത്രം 3 ഡിയിൽ ആണ് ശങ്കർ ഒരുക്കിയിരിക്കുന്നത്. 3 ഡിയിൽ ഷൂട്ട് ചെയ്ത ആദ്യ ഇന്ത്യൻ ചിത്രവുമാണ് 2.0. എ ആർ റഹ്മാൻ സംഗീതമൊരുക്കുന്ന ചിത്രത്തിൽ റസൂൽ പൂക്കുട്ടി ആണ് ശബ്ദമിശ്രണം നിർവഹിക്കുന്നത്.
Post Your Comments