അരലക്ഷത്തോളം കാഴ്ചക്കാരുമായി നിത്യഹരിത നായകനിലെ ധർമജൻ ആലപിച്ച ഗാനം

വിഷ്ണു ഉണ്ണികൃഷ്ണൻ, ധർമജൻ എന്നിവരെ പ്രധാന കഥാപാത്രങ്ങളാക്കി നവാഗതനായ എ ആർ ബിനുരാജ് സംവിധാനം ചെയ്യുന്ന കുടുംബ ചിത്രമാണ് നിത്യഹരിത നായകൻ. വികടകുമാരൻ എന്ന ചിത്രത്തിന് ശേഷം വിഷ്ണു നായകനാകുന്ന ചിത്രമാണിത്. ധർമജൻ-വിഷ്ണു കോംബോ ഒന്നിക്കുന്നു എന്ന പ്രത്യേകതയും ചിത്രത്തിനുണ്ട്. ചിത്രത്തിന്റെ പുറത്തിറങ്ങിയ ഗാനങ്ങളും ടീസറും ഇതിനോടകം തന്നെ ഹിറ്റ് ചാർട്ടിൽ ഇടം നേടി കഴിഞ്ഞു. ധർമജൻ ആദ്യമായി നിർമിക്കുന്ന ചിത്രം എന്ന പ്രത്യേകതയും ഇതിനുണ്ട്.

ചിത്രത്തിൽ ധർമജൻ ആലപിച്ച ഒരു ഗാനം ഉണ്ട്. മകരമാസ നാളിൽ എന്ന് തുടങ്ങുന്ന ഗാനം ആണ് അദ്ദേഹം ആലപിച്ചിരിക്കുന്നത്. കല്യാണ ആഘോഷം ബന്ധപെട്ടു വരുന്ന ഗാനം ആണ് ഇതെന്ന് വരികൾ കേട്ടാൽ മനസിലാകും. അതി മനോഹരമായി ആണ് ധർമജൻ ഈ ഗാനം ആലപിച്ചിരിക്കുന്നത്. രഞ്ജിൻരാജ് ആണ് ചിത്രത്തിനായി സംഗീത സംവിധാനം നിർവഹിക്കുന്നത്. ഗാനത്തിന്റെ വരികൾ എഴുതിയിരിക്കുന്നത് ഹസീനയാണ്. ഗാനം അരലക്ഷത്തോളം കാഴ്ചക്കാരുമായി യൂട്യൂബിൽ മുന്നേറുകയാണ്.

ഷാജി കൈലാസ്, എകെ സാജൻ, ദീപൻ എന്നിവരുടെ സംവിധാന സഹായിയായി പ്രവർത്തിച്ച് കഴിവ് തെളിയിച്ച ആളാണ് ബിനുരാജ്. ധർമജനൊപ്പം മനു തച്ചേട്ടും നിർമാണ പങ്കാളിയാണ്. പവി കെ പ്രവൻ ആണ് ചിത്രത്തിന് വേണ്ടി ക്യാമറ ചലിപ്പിക്കുന്നത്. നൗഫൽ അബ്ദുല്ല എഡിറ്റിംഗ് നിർവഹിക്കുന്നു. കലാസംവിധാനം അർക്കൻ എസ് കർമ്മ, വസ്ത്രാലങ്കാരം അരുൺ മനോഹർ, മേക്കപ്പ് ഹസ്സൻ വണ്ടൂർ, സ്റ്റിൽസ് സലീഷ് പെരിങ്ങോട്ടുകര, പിആർഒ വാഴൂർ ജോസ്.

ജയഗോപാല്‍ ആണ് ചിത്രത്തിന് വേണ്ടി തിരക്കഥ ഒരുക്കുന്നത്. ഇന്ദ്രൻസ്, മഞ്ജു പിള്ള, ബേസിൽ ജോസഫ്, രവീണ രവി, ശിവകാമി, ജാഫർ ഇടുക്കി, ബിജുക്കുട്ടൻ, ശ്രുതി, ജയകുമാർ, അഞ്ചു അരവിന്ദ്, മാസ്റ്റർ ആരോൺ, ഗായത്രി, സജു നവോദയ, സുനിൽ സുഗത എന്നിവരും പ്രധാന വേഷങ്ങളിൽ എത്തുന്നു