ഇന്ത്യന്‍ സിനിമയിലെ വിസ്മയ ചിത്രം ബാഹുബലിയുടെ വെബ് സീരിസ് എത്തുന്നു. ‘ബാഹുബലി: ബിഫോര്‍ ദ് ബിഗിനിംഗ്’ എന്ന പേരില്‍ എത്തുന്ന സീരിസില്‍ രാജമാത ശിവകാമി ദേവിയുടെ പൂര്‍വ കഥയാണ് പറയുന്നത്.
രമ്യാ കൃഷ്ണനായിരുന്നു ബിഗ് സ്‌ക്രീനില്‍ ശിവകാമിയുടെ വേഷം ഗംഭീരമാക്കിയത്. എന്നാല്‍ വെബ് സീരിസില്‍ ശിവകാമിയുടെ വേഷത്തിലെത്തുന്ന താരം ആരായിരിക്കുമെന്ന കാത്തിരിപ്പിലായിരുന്നു ആരാധകര്‍. ഇപ്പോഴിതാ ആ രഹസ്യം വെളിപ്പെടുത്തിയിരിക്കുകയാണ് അണിയറപ്രവര്‍ത്തകര്‍. മറാത്തി നടിയും മോഡലുമായ മൃണാള്‍ താക്കൂറാണ് ശിവകാമയിയുടെ യൗവ്വനകാലത്തെ അവതരിപ്പിക്കുന്നത്. രാഹുല്‍ ബോസ് ആണ് സ്‌കന്ദദാസനായി വേഷമിടുന്നത്.
ആനന്ദ് നീലകണ്ഠന്റെ ‘ദി റൈസ് ഓഫ് ശിവകാമി’ എന്ന നേവലിനെ ആസ്പദമാക്കി ദേവ കട്ട സംവിധാനം നിര്‍വഹിക്കുന്ന വെബ് സീരീസ് നിര്‍മ്മിക്കുന്നത് എസ്.എസ് രാജമൗലിയും ആര്‍ക്കാ മീഡിയ വര്‍ക്കും ചേര്‍ന്നാണ്.
Post Your Comments