മലയാളത്തിന്റെ വിസ്മയ താരം മോഹന്‍ലാലിന്റെ ആരാധകര്‍ ആവേശത്തോടെ കാത്തിരിക്കുന്ന ചിത്രമാണ് ഒടിയന്‍. ഇരുട്ടിന്റെ രാജാവ് മാണിക്യനായി മോഹന്‍ലാല്‍ എത്തുന്ന ഈ ചിത്രം ഒരുക്കുന്നത് പരസ്യ സംവിധായകനായ ശ്രീകുമാര്‍ മേനോനാണ്. ചിത്രത്തിനായി ഏറെ ആകാഷയോടെ കാത്തിരിക്കുന്ന ആരാധകര്‍ക്ക് ഒടിയന്‍ മൊബൈല്‍ ആപ്പുമായി അണിയറ പ്രവര്‍ത്തകര്‍. ആപ് ഇന്ന് പുറത്തിറങ്ങി. എന്നാല്‍ അവതരിപ്പിച്ച്‌ മണിക്കൂറുകള്‍ക്കുള്ളില്‍ ആപ്പ് തകരാറില്‍.
വന്‍ ജന പിന്തുണയാണ് നിമിഷങ്ങള്‍ക്കുള്ളില്‍ ആപ്പിനു ലഭിച്ചത്. ആപ്പ് പുറത്തിറക്കി 30 മിനിറ്റ് പിന്നിട്ടപ്പോഴേക്കും ഡൗണ്‍ലോഡ് ഒരു ലക്ഷം എത്തി. എന്നാല്‍ ആരാധകരുടെ ആവേശത്തോടെയുള്ള തള്ളിക്കയറ്റത്തില്‍ സെര്‍വര്‍ ക്യാഷായിരിക്കുകയാണ്. പ്രശ്‌നം എത്രയും വേഗം പരിഹരിക്കുമെന്നും ആപ്പ് ഉടന്‍ പ്രവര്‍ത്തന ക്ഷമമാക്കുമെന്നും സംവിധായകന്‍ ശ്രീകുമാര്‍ മേനോന്‍ അറിയിച്ചു.
മോഹന്‍ലാലിനൊപ്പം മഞ്ജുവാര്യര്‍ പ്രധാന വേഷത്തില്‍ എത്തുന്നുണ്ട്. ഡിസംബര്‍ 14 ന് ചിത്രം തിയേറ്ററുകളിലെത്തും.
Post Your Comments