സോഷ്യല്‍ മീഡിയയില്‍ സജീവമായ താരങ്ങളോട് ആരാധകര്‍ സംവദിക്കാറുണ്ട്. എന്നാല്‍ ചിലര്‍ ഈ അവസരങ്ങള്‍ ദുരുപയോഗം ചെയ്യുന്നു. ടെലിവിഷന്‍ പ്രേക്ഷകരുടെ പ്രിയ താരമായ സാധിക വേണുഗോപാല്‍ തനിക്ക് നഗ്ന ഫോട്ടോ അയക്കുന്നവര്‍ക്കെതിരെ രംഗത്ത്.
ഫേസ്ബുക്കിലൂടെ ശരീര ഭാഗങ്ങളുടെ ചിത്രവും നഗ്ന ഫോട്ടോയുമൊക്കെ പലരും അയച്ചുതരുന്നുണ്ടെന്നും ഇതിനിയും തുടര്‍ന്നാല്‍ താന്‍ കടുത്ത നടപടി സ്വീകരിക്കുമെന്നും താരം വ്യക്തമാക്കിയിട്ടുണ്ട്. ക്ഷമിക്കുന്നതിനും ബ്ലോക്ക് ചെയ്യുന്നതിനും ഒരു പരിധിയുണ്ടെന്നും താരം സമൂഹ മാധ്യമത്തില്‍ പങ്കുവച്ച കുറിപ്പില്‍ പറയുന്നു. താരത്തിന് പിന്തുണ അറിയിച്ച്‌ നിരവധി ആരാധകര്‍ രംഗത്ത് എത്തിയിട്ടുണ്ട്.
അഭിനയത്തില്‍ മാത്രമല്ല സാമൂഹ്യ പ്രവര്‍ത്തനങ്ങളിലും സജീവമായി പങ്കെടുക്കുന്ന സാധിക അഭിനയമാണ് തൊഴിലെന്ന് കരുതി പലരും മോശമായി പെരുമാറാറുണ്ടെന്ന് മുന്‍പും തുറന്നു പറഞ്ഞിട്ടുണ്ട്.
Post Your Comments