മോഹന്‍ലാലിന്റെ ഹിറ്റ് ചിത്രം രാവണപ്രഭുവില്‍ നായികയായി എത്തിയ പോപ്‌ ഗായിക വസുന്ധര ദാസിനെ മലയാളികള്‍ മറന്നിട്ടുണ്ടാകില്ല. മലയാളികളുടെ പ്രിയ താരത്തെ നടുറോഡില്‍ അപമാനിക്കാന്‍ ശ്രമം. ക്യാബ് ഡ്രൈവര്‍ നടുറോഡില്‍ തടഞ്ഞുനിർത്തി അപമാനിച്ചതായാണ് പരാതി. ബെംഗളൂരു മല്ലേശ്വരം പോലീസ് സ്റ്റേഷനില്‍ ഇതു സംബന്ധിച്ച പരാതി വസുന്ധര നല്‍കി.
കഴിഞ്ഞ തിങ്കളാഴ്ചയാണ് പരാതിയ്ക്ക് അടിസ്ഥാനമായ സംഭവം നടന്നത്. വൈകിട്ട് നാലരയ്ക്ക് മല്ലേശ്വരം മർഗോസ റോഡിൽ നടി നിയമം തെറ്റിച്ച് ട്രാഫിക് സിഗ്‌നലില്‍ വച്ച് തന്റെ ടൊയോട്ട എറ്റിയോസിന്റെ വഴി മുടക്കിയെന്ന് ആരോപിച്ചു ക്യാബ് ഡ്രൈവര്‍ പ്രശ്നമുണ്ടാക്കി. കാർ ഓടിച്ചുപോയ തന്നെ നാലു കിലോമീറ്റർ ദൂരം പിന്തുടർന്ന് മറ്റൊരു സിഗ്‌നലില്‍ വെച്ചു തടഞ്ഞു നിര്‍ത്തിയാണ് ഡ്രൈവർ അധിക്ഷേപിച്ചു സംസാരിച്ചുവെന്നും താരം പരാതിയില്‍ പറയുന്നു.
ആരോപണവിധേയനായ ക്യാബ് ഡ്രൈവറെ ഇതുവരെ കണ്ടെത്താനായിട്ടില്ല.
Post Your Comments