ഹിന്ദി, തമിഴ്, തെലുങ്ക് ഭാഷകളില്‍ വലിയ വിജയമായി മാറിയ ടെലിവിഷന്‍ റിയാലിറ്റി ഷോയാണ് ബിഗ് ബോസ്. മലയാളത്തിലും വന്‍ വിജയമായി മാറിയ ഈ ഷോയുടെ രണ്ടാം ഭാഗം ഉടന്‍ എത്തുമെന്ന് അറിയിച്ചു. രണ്ടാം ഭാഗത്തിലും സൂപ്പർ താരം മോഹൻലാൽ തന്നെ അവതാരകനായി എത്തുമെന്ന് നേരത്തെ പ്രഖ്യാപനം വന്നിരുന്നു. മോഹന്‍ലാലിനൊപ്പം ഈ ഷോയില്‍ വരുന്ന മത്സരാര്‍ത്ഥികള്‍ ആരൊക്കെ എന്നതിനെക്കുറിച്ച് സമൂഹമാധ്യമങ്ങളില്‍ അഭ്യൂഹങ്ങള്‍ പ്രചരിക്കുന്നു.
നടിയും മാധ്യമപ്രവർത്തക മാലാ പാർവതി, ശബരിമല വിവാദത്തിലൂടെ ശ്രദ്ധേയയായ രഹ്നാ ഫാത്തിമ, മത്സ്യവിൽപനയിലൂടെ ശ്രദ്ധ നേടിയ വിദ്യാർത്ഥി ഹനാൻ, ചലച്ചിത്രതാരം സനുഷ, ടിവി അവതാരക ആര്യ എന്നിവരുടെ പേരുകളാണ് സോഷ്യല്‍ മീഡിയയില്‍ പ്രചരിക്കുന്നത്. എന്നാല്‍ ഈ പ്രചരണങ്ങളെ തള്ളി നടി മാലാ പാര്‍വതി രംഗത്തെത്തി. തന്റെ ഫേസ്ബുക്ക് പേജിലൂടെയാണ് പാര്‍വതി വാര്‍ത്ത നിഷേധിച്ചത്.
പാര്‍വതിയുടെ കുറിപ്പ്
Big Boss season 2-ൽ ഞാൻ ഉണ്ട് എന്ന് ഒരു വാർത്ത ഉണ്ട് പോലും.. എനിക്ക് ഈ വിഷയത്തെ കുറിച്ചറിയില്ല. വാർത്ത കണ്ടതുമില്ല.പോകുന്നോ എന്ന് ചോദിക്കുന്നു പലരും അങ്ങനെയാ അറിഞ്ഞേ.
Post Your Comments