നാടക രംഗത്ത് നിന്നും സിനിമാ രംഗത്തേയ്ക്ക് എത്തിയ നടനാണ്‌ വിജിലേഷ്. മഹേഷിന്റെ പ്രതികാരം എന്ന ചിത്രത്തിലെ വേഷത്തിലൂടെ ശ്രദ്ധിക്കപ്പെട്ട വിജിലേഷ് ഫഹദ് നായകനായ വരത്തന്‍ എന്ന ചിത്രത്തിലെ നഗറ്റീവ് കഥാപാത്രത്തിലൂടെ ആരാധകരുടെ പ്രിയ താരമായി മാറിയിരിക്കുകയാണ്. വരത്തന്‍ ഇറങ്ങിയ ശേഷം ആരാധകര്‍ സോഷ്യല്‍ മീഡിയയില്‍ തെറികൊണ്ട് അഭിഷേകം ചെയ്തുവെന്ന് ഒരു പ്രമുഖ മാധ്യമത്തിനു നല്‍കിയ അഭിമുഖത്തില്‍ പറയുന്നു.
സിനിമ ഇറങ്ങിയ ശേഷം ഫേസ്ബുക്കിലും ഇൻസ്റ്റാഗ്രാമിലും തെറികൊണ്ട് അഭിഷേകമായിരുന്നു. കൺമുന്നിൽ വന്നാൽ മുഖമടച്ച് പൊട്ടിക്കുമെന്നൊക്കെയുള്ള സന്ദേശങ്ങൾ വന്നിരുന്നെന്നും എന്നാല്‍ ഏറെ സന്തോഷത്തോടെയാണ് താന്‍ ആ സന്ദേശങ്ങളെ സ്വീകരിച്ചതെന്നും വിജിലേഷ് പറയുന്നു. തന്റെ കഥാപാത്രം അത്രയധികം പ്രേക്ഷകനെ സ്വാധീനിച്ചു എന്നതിന്റെ തെളിവാണ് ഇതെന്നും വിജിലേഷ് കൂട്ടിച്ചേര്‍ത്തു. നവാഗതനായ രജനീഷ് സംവിധാനം ചെയ്യുന്ന ചിത്രത്തില്‍ നായകനായി എത്തുകയാണ്. ചിത്രത്തിന്റെ ഷൂട്ടിങ്ങ് നവംബറിൽ തുടങ്ങും
Post Your Comments