തെന്നിന്ത്യന്‍ സിനിമാ ലോകത്ത് ആരാധകര്‍ ഏറെയുള്ള താരമാണ് അജിത്. തല യെന്നു ആരാധകര്‍ വിശേഷിപ്പിക്കുന്ന അജിത് പലപ്പോഴും വാര്‍ത്തകളില്‍ നിറയുന്നത് തന്റെ എലിമാകൊണ്ടാണ്. കാത്തു നിന്ന ആരാധകരോട് മാന്യമായി പെരുമാറുന്ന താരത്തിന്റെ ചിത്രങ്ങളും വീഡിയോകളും പലപ്പോഴും സോഷ്യല്‍ മീഡിയയില്‍ വൈറലാകാറുണ്ട്. . അജിത്തിന്റെ പുതിയ സിനിമയായ വിശ്വാസത്തിന്റെ ഡബ്ബിംഗിനിടെ നടന്ന ഒരു സംഭവമാണ് വൈറലാകുന്നത്. അണിയറപ്രവര്‍ത്തകരില്‍ ഒരാളാണ് അക്കാര്യം പറഞ്ഞത്.
അജിത്തിന്റെ പുതിയ ചിത്രമാണ് വിശ്വാസം. ചിത്രത്തിന്റെ ഡബ്ബിംഗ് ജോലികള്‍ പുരോഗമിക്കുകയാണ്. എന്നാല്‍ കഴിഞ്ഞ ദിവസം താരം സ്റ്റുഡിയോയില്‍ ഉണ്ടെന്നു അറിഞ്ഞ ആരാധകര്‍ കാണാനായി എത്തി. എന്നാല്‍ ഡബ്ബിംഗ് തിരക്കിലായ താരത്തെ കാണാന്‍ കഴിഞ്ഞില്ല. അജിത് പുറത്ത് ഇറങ്ങുന്നതുവരെ മണിക്കൂറോളം എവിഎം സ്‍റ്റുഡിയോയുടെ മുന്നില്‍ അവര്‍ കാത്തുനിന്നു. പുലര്‍ച്ചെയാണ് അജിത് ഡബ്ബിംഗ് തീര്‍ത്ത് പുറത്തിറങ്ങിയത്. ആരാധകരെ കണ്ട് അജിത് കാര്‍ നിര്‍ത്തുകയും ഉറക്കം കളഞ്ഞ് ആരാധകര്‍തന്നെ കാത്തുനിന്നത് അറിഞ്ഞ് അജിത് അവരോട് ഇനി ജീവിതത്തില്‍ ഇങ്ങനെ ചെയ്യരുതെന്നു ഉപദേശിക്കുകയും ചെയ്തു. എന്നാല്‍ ആരാധകരെ നിരാശയിലാകാതെ അവര്‍ക്കൊപ്പം സെല്‍ഫിക്ക് പോസ് ചെയ്‍തതിന് ശേഷമാണ് അജിത് മടങ്ങിയത്.
പൊങ്കലിന് റിലീസിന് ഒരുങ്ങുകയാണ് വിശ്വാസം. വീരം, വേതാളം, വിവേഗം എന്നീ ചിത്രങ്ങള്‍ അജിത്തിനെ വച്ച് സംവിധാനം ചെയ്ത ശിവയാണ് ഈ ചിത്രവും ഒരുക്കുന്നത്. നയന്‍താരയാണ് നായിക.
Post Your Comments