നിര്‍മ്മാണ രംഗത്ത് മലയാളത്തിനെ പ്രമുഖ താരങ്ങള്‍ ചുവടുവച്ചിട്ടുണ്ട്. അതില്‍ ഒരാളാണ് നടന്‍ പൃഥ്വിരാജ്. സംവിധായകനും ഛായഗ്രാഹകനുമായ സന്തോഷ് ശിവന്‍, വ്യവസായിയായ ഷാജി നടേശന്‍, നടന്‍ ആര്യ എന്നിവര്‍ക്കൊപ്പം പൃഥ്വിയും പങ്കാളിയായ നിര്‍മാണ കമ്പനിയായിരുന്നു ആഗസ്റ്റ് സിനിമ. 2010 ല്‍ ആരംഭിച്ച ഈ നിര്‍മ്മാണ കമ്പനിയില്‍ നിന്നും താരം പിന്‍വാങ്ങി. ആഗസ്റ്റ് സിനിമയുടെ ഭാഗമല്ലെന്നും ഡയറകടര്‍ ബോര്‍ഡില്‍ നിന്നും പിന്മാറുന്ന കാര്യം വ്യക്തമാക്കിയ ശേഷം പുതിയ നിര്‍മാണ കമ്പിനി പൃഥ്വിരാജ് തുടങ്ങിയിരുന്നു. എന്നാല്‍ ഇപ്പോള്‍ ആരാധകരെ ഞെട്ടിച്ചിരിക്കുകയാണ് ആഗസ്റ്റ് സിനിമാസ്.
കഴിഞ്ഞ ദിവസമാണ് ആഗസ്റ്റ് സിനിമയുടെ കീഴിലെത്തുന്ന പുതിയ സിനിമയുടെ പ്രഖ്യാപനമുണ്ടാവുന്നത്. ഫേസ്ബുക്ക് പേജിലൂടെ നിര്‍മാതാക്കള്‍ തന്നെയാണ് ചിത്രത്തിന്റെ ടൈറ്റില്‍ പോസ്റ്റര്‍ പുറത്ത് വിട്ടത്. പൃഥ്വി എന്നാണ് സിനിമയുടെ പേര്. നവാഗതനായ അഭിജിത്ത് അശോകന്‍ സംവിധാനം ചെയ്യുന്ന സിനിമയിലെ താരങ്ങളെ കുറിച്ചോ മറ്റ് അണിയറ പ്രവര്‍ത്തകരെ കുറിച്ചോ കൂടുതല്‍ വിവരങ്ങളില്ല. നേരത്തെ പ്രഖ്യാപിച്ച പതിനെട്ടാം പടിയുടെ ചിത്രീകരണം കഴിഞ്ഞതിന് ശേഷമായിരിക്കും പൃഥ്വി ആരംഭിക്കുന്നത്. ‘സ്‌റ്റോറി ഓഫ് മൈ ഡ്രീം’ എന്ന ടാഗ് ലൈനോട് കൂടിയാണ് പൃഥ്വി അനൗണ്‍സ് ചെയ്തിരിക്കുന്നത്.
Post Your Comments