ഒരുകാലത്ത് മലയാളികളുടെ പ്രിയതാരമായി നിന്നിരുന്ന നടനാണ്‌ സഞ്ജയ്. ഈ പേര് കേട്ടാല്‍ പെട്ടന്ന് മലയാളികള്‍ക്ക് ഓര്‍മ്മ വന്നെന്നിരിക്കില്ല. പക്ഷെ വൈശാലിയും ഋഷ്യശൃംഗനെയും മലയാളികള്‍ മറക്കില്ല. ഭരതന്‍ സംവിധാനം ചെയ്ത വൈശാലിയില്‍ ഋഷ്യശൃംഗനായി എത്തിയ സഞ്ജയ് 30 വര്‍ഷത്തെ ഇടവേളയ്ക്ക് ശേഷം വിശേഷങ്ങളുമായി എത്തുകയാണ്. റിമി ടോമി അവതാരകയായെത്തുന്ന ഒന്നും ഒന്നും മൂന്നില്‍ അതിഥിയായാണ് താരമെത്തുന്നത്.
വൈശാലിയിലെ നായിക സുപര്‍ണയായിരുന്നു. സിനിമയിലെ മികച്ച ജോഡികള്‍ ജീവിതത്തിലും ഒന്നിച്ചു. എന്നാല്‍ അധികം കഴിയും മുമ്പേ ആ ബന്ധം വിവാഹ മോചനത്തില്‍ അവസാനിക്കുകയായിരുന്നു. വൈശാലിക്ക് പിന്നാലെ ഒരു വടക്കന്‍ വീരഗാഥ, പൂനിലാമഴ, സ്മാര്‍ട്ട് സിറ്റി തുടങ്ങിയ സിനിമകളിലും സഞ്ജയ് അഭിനയിച്ചിരുന്നു. സൂര്യ ടിവിയില്‍ സംപ്രേഷണം ചെയ്തിരുന്ന ശ്രീഗുരുവായൂരപ്പന്‍ പരമ്ബരയിലും അദ്ദേഹം അഭിനയിച്ചിരുന്നു. നീണ്ട ഇടവേളയ്ക്ക് ശേഷം വീണ്ടും ഒരു ടെലിവിഷന്‍ ഷോയിലെയ്ക്ക് എത്തുകയാണ് താരം.
Post Your Comments