വിനീത് ശ്രീനിവാസൻ കാരണം പണികിട്ടിയത് വിഷ്ണുവിന്!!

ഇഷ്ട താരങ്ങളുടെ നമ്പർ കിട്ടിയാൽ വിളിക്കാത്ത ആരാധകർ കുറവായിരിക്കും. അത്തരം കുറെ കോളുകളും മെസ്സേജുകളും തന്നെ തേടി എത്തിയതിൽ അമ്പരന്നിരിക്കുകയാണ് വിഷ്‌ണു പ്രസാദ് എന്ന ചെറുപ്പക്കാരൻ. സംഭവം ഇങ്ങനെ

മലയാളികളുടെ പ്രിയ നടനാണ് വിനീത് ശ്രീനിവാസൻ. വിനീത് വർഷങ്ങൾക്ക് മുൻപ് ഉപയോഗിച്ചിരുന്ന നമ്പർ ആണ് വിഷ്ണു ഇപ്പോൾ ഉപയോഗിക്കുന്നത്. വിനീത് ആണെന്ന് കരുതി വിഷ്ണുവിന് മെസ്സേജി അയക്കുകയാണ് ആരാധകർ. അങ്ങനെ വിനീത് കാരണം പണികിട്ടിയ വിഷ്ണു തന്റെ ഗതികേട് ഒരു സിനിമാ ഗ്രൂപ്പില്‍ അറിയിച്ചു. ഇതോടെ തിരുത്തുമായി വിനീത് തന്നെ രംഗത്ത് വന്നിരിക്കുകയാണ്. ബുദ്ധിമുട്ടിച്ചതിന് വിഷ്ണുവിനോട് വിനീത് മാപ്പും പറഞ്ഞിട്ടുണ്ട്

വിനീതിന്റെ പോസ്റ്റ്

എന്നെ അന്വേഷിച്ചുകൊണ്ട് നിരവധി കോളുകളും മെസേജുകളും വരുന്ന വിഷ്ണു പ്രസാദ് എന്ന ചെറുപ്പക്കാരന്റെ കുറിപ്പ് പല സുഹൃത്തുക്കളും എനിക്ക് അയച്ചു തരുന്നുണ്ട്. വിഷ്ണു ഇപ്പോള്‍ ഉപയോഗിക്കുന്ന നമ്പര്‍ കുറച്ചു വര്‍ഷങ്ങള്‍ക്ക് മുന്‍പ് ഞാന്‍ ഉപയോഗിച്ചിരുന്നതാണ്. ആ നമ്പര്‍ ഇപ്പോള്‍ ഞാന്‍ ഉപയോഗിക്കുന്നില്ല എന്ന് സ്ഥിരീകരിക്കാനാണ് ഈ പോസ്റ്റ്. ബുദ്ധിമുട്ട് നേരിട്ടതില്‍ ഖേദിക്കുന്നു വിഷ്ണു. ഒരു കാര്യം കൂടി ഈ സാഹചര്യത്തില്‍ പറയുകയാണ്, എന്റെ പേരിലുള്ള വിനീത് ശ്രീ എന്ന ട്വിറ്റര്‍ അക്കൗണ്ട് വ്യാജമാണ്. ഞാന്‍ ട്വിറ്റര്‍ ഉപയോഗിക്കുന്നില്ല