സിനിമാ മേഖലയില്‍ മീ ടു ക്യാമ്പയിന്‍ ശക്തമാകുകയാണ്. ബോളിവുഡില്‍ നാനാ പടേക്കറിനെതിരെ നടി തനുശ്രീ തുറന്നുവിട്ട മീ ടൂ വെളിപ്പെടുത്തലിന്റെ ചുവട് പിടിച്ച്‌ പല താരങ്ങളും തങ്ങള്‍ നേരിട്ട ദുരനുഭവം വെളിപ്പെടുത്തി രംഗത്തെത്തി. നടിമാര്‍ക്ക് പിന്നാലെ നടന്മാരും മീ ടു ക്യാമ്പയിന്റെ ഭാഗമാകുകയാണ്. മോഡലും നടനുമായ സാഖിബ് സലീമാണ് ഒരു സിനിമാ ചിത്രീകരണ വേളയിലുണ്ടായ ദുരനുഭവം വെളിപ്പെടുത്തിയത്.
തനിക്ക് 21 വയസ്സ് പ്രായമുള്ളപ്പോഴാണ് സംഭവം. ചിത്രീകരണ വേളയില്‍ സംസാരിച്ചിരിക്കുന്നതിനിടെ അയാള്‍ തന്റെ പാന്റ്‌സിനുള്ളില്‍ കയ്യിടാന്‍ ശ്രമിച്ചു. അയാള്‍ തന്നെ ദുരുപയോഗിക്കാന്‍ ശ്രമിക്കുകയായിരുന്നു. ഒരു മാധ്യമത്തിന് നല്‍കിയ അഭിമുഖത്തിലാണ് വെളിപ്പെടുത്തല്‍. ഉദ്ദേശം മനസ്സിലാക്കിയ താന്‍ അപ്പോള്‍തന്നെ കൈതട്ടി മാറ്റിയെന്നും അയാള്‍ക്ക് ഒരു ഇടി കൊടുത്ത താന്‍, ചീത്ത പറഞ്ഞുകൊണ്ട് എഴുന്നേറ്റ് പോയതായി സാഖിബ് പറഞ്ഞു. എന്നാല്‍ തന്നോട് മോശമായി പെരുമാറിയ ആളുടെ പേര് ഇപ്പോള്‍ വെളിപ്പെടുത്താന്‍ ആഗ്രഹിക്കുന്നില്ലെന്നും സാഖിബ് സലിം പറഞ്ഞു.
Post Your Comments