സിനിമാ ലോകത്ത് ഇപ്പോള്‍ താര പുത്രിമാരുടെ അരങ്ങേറ്റ കാലമാണ്. ശ്രീദേവിയുടെ മകള്‍ ജാന്‍വി കപൂര്‍, സെയിഫ് അലി ഖാന്റെ മകള്‍ സാറ അലി ഖാന്‍ തുടങ്ങിയവരെല്ലാം അരങ്ങേറ്റം നടത്തി കഴിഞ്ഞു. ഉടന്‍ തന്നെ ഷാരൂഖ് ഖാന്റെ മകള്‍ സുഹാനയും സിനിമയിലേക്ക് എത്തുമെന്നാണ് റിപ്പോര്‍ട്ടുകള്‍. ഇക്കൂട്ടത്തിലേക്ക് എത്താന്‍ ഒരുങ്ങുകയാണ് ദിഷാനി ചക്രബര്‍ത്തി.
ബോളിവുഡ് നടന്‍ മിഥുന്‍ ചക്രവര്‍ത്തിയുടെ മകളാണ് ദിഷാനി. ഒരു കുട്ടിയെ ചവറ്റുകൂനയില്‍ ഉപേക്ഷിച്ച നിലയില്‍ കണ്ടെത്തിയെന്ന പത്ര വാര്‍ത്ത കണ്ട മിഥുന്‍ അധികൃതരെ സമീപിക്കുകയും കുട്ടിയെ ദത്തെടുക്കാന്‍ ആഗ്രഹമുണ്ടെന്ന് അറിയിക്കുകയും ചെയതത്. അങ്ങനെ ഭാര്യ കൂടി പിന്തുണ നല്‍കിയതോടെ മിഥുന്‍ ചക്രവര്‍ത്തിയുടെ വളര്‍ത്തുമകളായി ദിഷാനി വളര്‍ന്നു.
ദിഷാനിയെ കൂടാതെ മറ്റ് നാല് മക്കള്‍ കൂടി മിഥുനുണ്ട്. ഇപ്പോള്‍ ന്യൂയോര്‍ക്ക് ഫിലിം അക്കാദമിയില്‍ അഭിനയം പഠിക്കുന്ന ദിഷാനി സിനിമയില്‍ അഭിനയിക്കാന്‍ താല്‍പര്യമുണ്ടെന്ന് തുറന്നു പറഞ്ഞതോടെ താര പുത്രിയുടെ അരങ്ങേറ്റം ഉടന്‍ ഉണ്ടാകുമെന്ന പ്രതീക്ഷയിലാണ് സിനിമാ ലോകം. ബോളിവുഡിലെ തന്നെ മുന്‍നിര സംവിധായകനുമായി സിനിമ ചര്‍ച്ചകള്‍ ആരംഭിച്ചതായിട്ടാണ് റിപ്പോര്‍ട്ടുകള്‍.
Post Your Comments