കേരളത്തെ ഭീതിയില്‍ ആഴ്ത്തിയ നിപ്പ വൈറസിനെ പ്രമേയമാക്കി ആഷിക് അബു ഒരു ചിത്രം പ്രഖ്യാപിച്ചിരിക്കുകയാണ്. ഈ ചിത്രത്തില്‍ നായകന്‍ കാളിദാസ് ജയറാം എന്നായിരുന്നു റിപ്പോര്‍ട്ട്. എന്നാല്‍ ചിത്രത്തില്‍ നിന്നിം താരം പിന്മാറിയിരിക്കുകയാണ്. ദേശിയ മാധ്യമത്തിന് നല്‍കിയ അഭിമുഖത്തിലാണ് പിന്‍മാറ്റം കാളിദാസ് തുറന്നു പറഞ്ഞത്. എന്നാല്‍ ഇതിന്റെ കാരണം വ്യക്തമാക്കിയില്ല.
ചിത്രത്തില്‍ നിന്നും പിന്‍മാറിയെന്നും ഇതേക്കുറിച്ച്‌ കൂടുതല്‍ പറയാന്‍ ആഗ്രഹിക്കുന്നില്ലെന്നുമാണ് കാളിദാസ് പറഞ്ഞത്. ഇപ്പോള്‍ ജിത്തു ജോസഫിന്റെ ചിത്രത്തില്‍ അഭിനയിച്ചുകൊണ്ടിരിക്കുകയാണ് കാളിദാസ്. ഡേറ്റ് പ്രശ്‌നമാണ് പിന്മാറ്റത്തിന് കാരണമെന്നാണ് സൂചന. ചിത്രത്തില്‍ ശ്രീനാഥ് ഭാസിയാകും കാളിദാസിനു പകരം എത്തുക.
രേവതി, ആസിഫ് അലി, പാര്‍വതി, റിമ കല്ലിങ്കല്‍, ടോവിനോ തോമസ്, രമ്യാ നമ്ബീശന്‍, സൗബിന്‍ ഷാഹിര്‍, ദിലീഷ് പോത്തന്‍, ചെമ്ബന്‍ വിനോദ് തുടങ്ങി വന്‍ താര നിരയാണ് ചിത്രത്തിനുള്ളത്. ആഷിഖ് അബുവിന്റെ നിര്‍മ്മാണ കമ്ബനിയായ ഒപിഎം ആണ് ചിത്രം നിര്‍മ്മിക്കുന്നത്.
Post Your Comments