താരങ്ങളുടെ ഓരോ പ്രവര്‍ത്തിയും ആരാധകര്‍ ആവേശത്തോടെയാണ് കാണാറുള്ളത്. അതുകൊണ്ട് തന്നെ തങ്ങളുടെ ഇഷ്ടതാരങ്ങളുടെ വാഹനങ്ങള്‍, വാച്ചുകള്‍ തുടങ്ങി എല്ലാ കാര്യങ്ങളും ആരാധകര്‍ ഏറെ ഇഷ്ടത്തോടും കൌതുകത്തോടും കൂടി അന്വേഷിക്കാറുണ്ട്. എന്നാല്‍ ഇപ്പോള്‍ സോഷ്യല്‍ മീഡിയയില്‍ ചര്ച്ചയാകുന്നത് തെന്നിന്ത്യന്‍ താരം അജിത്താണ്.
വിനയം കൊണ്ടും ലാളിത്യം കൊണ്ടും എന്നും ആരാധക പ്രീതി നേടിയ അജിത് ആരാധകരെ ഞെട്ടിച്ചിരിക്കുകയാണ്. സാധാരണക്കാർ പോലും അതിനൂതന സ്മാർട്ട്ഫോണുകളിലേക്ക് മാറുന്ന കാലത്ത് സൂപ്പർതാരം അജിത് ഉപയോഗിക്കുന്നത് നോക്കിയയുടെ സാധാരണ ഫോണാണത്രേ! മറ്റുള്ളവരോട് ഫോണിൽ സംസാരിക്കാൻ ഈ ബേസിക് സെറ്റു തന്നെ ധാരാളം എന്ന നിലപാടിലാണ് അജിത്.
വിശ്വാസം സെറ്റില്‍ നിന്നും പുറത്തുമായ ചിത്രത്തിലാണ് അജിത് ഉപയോഗിക്കുന്നത് കുഞ്ഞു നോക്കിയ ഫോണ്‍ ആണെന്ന് ആരാധകര്‍ അറിഞ്ഞത്. ഐഫോണിന്റെ കൂടിയ സെറ്റാണ് പ്രൊഡക്ഷൻ മാനേജർ ഉപയോഗിക്കുന്നത്. എന്തുകൊണ്ടാണ് പഴയ ഫോൺ കൊണ്ടുനടക്കുന്നതെന്ന് ചോദിച്ചപ്പോൾ അജിത്തിന് പൊട്ടിച്ചിരി. പ്രൊഡക്ഷന്റെ ജോലികൾ ഏകോപിപ്പിക്കാൻ സ്മാർട്ട്ഫോൺ ആവശ്യമാണെന്നും എന്നാൽ തനിക്കതിന്റെ ആവശ്യമില്ലെന്നും പറഞ്ഞാണ് അജിത് പ്രൊഡക്ഷൻ മാനേജരെ സമാധാനപ്പെടുത്തിയത്.
അജിത് ഉപയോഗിക്കുന്ന നോക്കിയ ഫോണിനെക്കുറിച്ച് കൊറിയോഗ്രാഫർ ബൃന്ദ മാസ്റ്ററും ഒരു അഭിമുഖത്തിൽ പരാമർശിച്ചിരുന്നു. ‘നമ്മൾ ഐ ഫോൺ 10 ഒക്കെ കൊണ്ടു നടക്കുമ്പോഴാണ് അജിത്, നോക്കിയ മൊബൈൽ പിടിച്ചു നടക്കുന്നത്. ആരും അതിശയിച്ചു പോകുന്ന ലാളിത്യമാണ് അദ്ദേഹത്തിന്റേത്,’ ബൃന്ദ മാസ്റ്റർ മുന്പ് പറഞ്ഞു
Post Your Comments