ശബരിമലയില്‍ സ്ത്രീപ്രവേശനം അനുവദിച്ച സുപ്രീം കോടതി വിധിയെ അനുകൂലിച്ചും എതിര്‍ത്തും നിരവധിപേര്‍ രംഗത്ത് എത്തുന്നുണ്ട്. ഈ വിഷയത്തില്‍ സരസമായ പ്രതികരണവുമായി മോഹന്‍ലാല്‍.
കൊച്ചിയില്‍ വിശ്വശാന്തി ഫൗണ്ടേഷന്‍ സംഘടിപ്പിച്ച പരിപാടിയില്‍ പങ്കെടുത്ത് മടങ്ങവെ ശബരിമല സ്ത്രീ പ്രവേശന വിഷയത്തിലെ പ്രതികരണം ആരാഞ്ഞ മാദ്ധ്യമപ്രവര്‍ത്തകനെ തമാശരൂപേണ ലാല്‍ തല്ലാനോങ്ങി.
താരസംഘടനയായ അമ്മയുടെ എക്‌സിക്യൂട്ടിവ് യോഗം ഇന്ന് കൊച്ചിയില്‍ ചേരുന്നുണ്ട്. പ്രളയ ബാധിതരെ സഹായിക്കാന്‍ സംസ്ഥാന സര്‍ക്കാരിനായി അമ്മയുടെ നേതൃത്വത്തില്‍ സ്‌റ്റേജ് ഷോ ഒരുങ്ങുന്നുണ്ടെന്നും. ഇതിലൂടെ അഞ്ച് കോടി സ്വരൂപിക്കാനാണ് ഉദ്ദേശിക്കുന്നതെന്നും അദ്ദേഹം പ്രതികരിച്ചു. ദിലീപ് വിഷയവും വിമെന്‍ ഇന്‍ സിനിമാ കളക്‌ടീവ് നല്‍കിയ കത്തും യോഗത്തില്‍ ചര്‍ച്ച ചെയ്യുമെന്നും മോഹന്‍ലാല്‍ വ്യക്തമാക്കി
Post Your Comments