അന്തരിച്ച സംഗീത സംവിധായകന്‍ ബാലഭാസ്കറിനു ബിജിബാലിന്റെ ഓര്‍മപ്പൂക്കള്‍. സംഗീത പ്രേമികള്‍ക്ക് ഒരിക്കലും നികത്താനാവാത്ത നഷ്ടമാണ് ബാലഭാസ്കറിന്റെ വിയോഗം. സംഗീതം കൊണ്ട് വിസ്മയം രചിച്ച ആ അതുല്യ പ്രതിഭയായ ബാലഭാസ്കര്‍ ഈണമിട്ട ഒരു മനോഹരം ഗാനം കൊണ്ട് അര്‍ച്ചന നടത്തുകയാണ് ബിജിബാല്‍.
പ്രണയത്തിന്റെ മാസ്മരിക അനുഭൂതി സമ്മാനിച്ച മനോഹര ആല്‍ബങ്ങളാണ് ഈസ്റ്റ് കോസ്റ്റിന്‍റെ ആദ്യമായ്, നിനക്കായ് തുടങ്ങിയ. പ്രണയാദ്രമായ മനസ്സുകളില്‍ എന്നും നിറഞ്ഞു നില്‍ക്കുന്ന മനോഹര ഗാനമാണ് ഈസ്റ്റ്കോസ്റ്റിന്റെ നിനക്കായ് എന്ന ആൽബത്തിലെ ‘ഒന്നിനുമല്ലാതെ എന്തിനോ തോന്നിയൊരിഷ്ടം’. ബാലഭാസ്കര്‍ തന്നെ ഈണം നല്‍കിയ ഈ ഗാനമാണ് വയലിനിൽ ബിജിബാൽ അതിമനോഹരമായി മീട്ടിയത്. ജയചന്ദ്രന്‍, സംഗീത എന്നിവര്‍ ചേര്‍ന്ന് ആലപിച്ച ഗാനത്തിന്‍റെ വരികള്‍ ഈസ്റ്റ് കോസ്റ്റ് വിജയന്‍റേതാണ്.
Post Your Comments