തനുശ്രീ – നാനാ പടേക്കര്‍ വിവാദം കനക്കുന്നു; തനുശ്രീയുടെ ലൈംഗിക പരാമര്‍ശത്തിന്‍റെ മുനയൊടിച്ച് നാനാ പടേക്കര്‍

ലൊക്കേഷനില്‍ വെച്ച് നാനാ പടേക്കര്‍ ലൈംഗികമായി ഉപദ്രവിക്കാന്‍ ശ്രമിച്ചെന്ന ബോളിവുഡ് നടി തനുശ്രീ ദത്തയുടെ  ആരോപണത്തിനെതിരെ തുറന്നടിച്ച് നാനാ പടേക്കര്‍ രംഗത്ത്.

നാനൂറോളം പേരുടെ മുന്നില്‍ വെച്ച് താന്‍ എന്ത് പീഡനം നടത്താനാണ് എന്നായിരുന്നു നാനാ പടേക്കറുടെ മറു ചോദ്യം, ഇത്തരം ആരോപണങ്ങള്‍ മറുപടി അര്‍ഹിക്കുന്നില്ലെന്നും താന്‍ തന്റെ ജോലി ചെയ്തു മുന്നോട്ട് പോകുമെന്നും നാനാ പടേക്കര്‍ പറയുന്നു.ഇതിനെ നിയമപരമായി നേരിടാനാണ് തീരുമാനിച്ചിരിക്കുന്നതെന്നും ഒരു ചാനലിനു നല്‍കിയ അഭിമുഖത്തില്‍ സംസാരിക്കവേ നാനാ പടേക്കര്‍ കൂട്ടിച്ചേര്‍ത്തു.