ജന്മദിന ആഘോഷം വ്യത്യസ്തമാക്കാന്‍ പല വഴികളും ആളുകള്‍ സ്വീകരിക്കാറുണ്ട്. എന്നാല്‍ ഇപ്പോള്‍ ആരാധകരെ ഞെട്ടിച്ച്‌ രംഗത്ത് എത്തിയിരിക്കുകയാണ് പ്രശസ്ത അമേരിക്കന്‍ സിനിമാ താരം വില്‍ സ്മിത്ത്. താരത്തിന്റെ 50-ാം ജന്മദിനാഘോഷമാണ് ഇപ്പോള്‍ സമൂഹമാധ്യമങ്ങളില്‍ വൈറല്‍.
ജന്മദിനത്തോടനുബന്ധിച്ച്‌ ബഞ്ചി ജംപിങ് ചെയ്താണ് താരം ആരാധകരെ ഞെട്ടിച്ചത്. ഉയരത്തില്‍ പറക്കുന്ന ഹെലിക്കോപ്ടറില് നിന്ന് കാലില്‍ പ്രത്യേക തരം കയര്‍ ബന്ധിച്ച്‌ താഴേക്ക് ചാടുന്ന ഹെലി ബഞ്ചി ജംപ് പരീക്ഷണമാണ് താരം നടത്തിയത്. സാഹസികമായി ആഘോഷിച്ച ഈ പിറന്നാളിന് പൂര്‍ണ്ണ പിന്തുണയുമായി ഭാര്യ ജാദ പിന്‍കെറ്റും, മക്കളായ വില്ലോ സ്‌മിത്തും ജാഡെന്‍ സ്‌മിത്തും ഒപ്പമുണ്ടായിരുന്നു.
https://www.youtube.com/watch?v=ay_kwpgXpcQ
അമേരിക്കയിലെ പ്രശസ്ത വിനോദ സഞ്ചാര കേന്ദ്രമായ ഗ്രാന്‍ഡ് കാന്യോനിലാണ് താരത്തിന്റെ സാഹസികത അരങ്ങേറിയത്. താരം ഹെലി ജംപ് നടത്തുന്നതിന്റെ വീഡിയോ ഒപ്പമുണ്ടായിരുന്ന സഹപ്രവര്‍ത്തകരാണ് സമൂഹമാധ്യമങ്ങളിലൂടെ പുറത്തുവിട്ടത്.
Post Your Comments