ജനഹൃദയം കീഴടക്കാൻ വണ്ടര്‍ബോയ്‌സിലെ മനോഹര ഗാനത്തിന്റെ വീഡിയോ പുറത്തിറങ്ങി. ചിത്രത്തിലെ ഓളം തുള്ളും നീലകടലല…. എന്ന ഗാനത്തിന്റെ ദൃശ്യാവിഷ്കാരമാണ് പ്രേക്ഷകരിൽ എത്തിയിരിക്കുന്നത്. ഈസ്റ്റ്‌ കോസ്റ്റ് ഓഡിയോസാണ് ഗാനത്തിന്റെ വീഡിയോ ദൃശ്യങ്ങൾ പുറത്തിറക്കിയത്.
പൂവച്ചല്‍ ഹുസൈന്‍ രചിച്ചിരിക്കുന്ന ഈ ഗാനം ആലപിച്ചിരിക്കുന്നത് വര്‍ഷ നായരാണ്. റോണി റാഫേല്‍, ബിനു ചാത്തന്നൂരുമാണ് സംഗീതം ഒരുക്കിയിരിക്കുന്നത്. നവാഗതരെ പ്രധാന കഥാപാത്രങ്ങളാക്കി തിരക്കഥാകൃത്തും സംവിധായകനുമായ ശ്രീകാന്ത് എസ്. നായര്‍ സംവിധാനം ചെയ്യുന്ന ചിത്രമാണ് വണ്ടര്‍ ബോയ്‌സ്.
നീലക്കുറിഞ്ഞി കാണാന്‍ പോയ ഏഴംഗ സംഘ വിദ്യാര്‍ത്ഥികളും പോലീസും ക്രിമിനല്‍സും തമ്മിലുള്ള ഏറ്റുമുട്ടലിന്റെ കഥ പറയുന്ന ക്രൈംത്രില്ലറാണ് വണ്ടര്‍ബോയ്‌സ്. ചിത്രത്തില്‍ ബാല, പ്രവീണ്‍ പ്രേം, സുനില്‍സുഖദ, നന്ദു, അനില്‍മുരളി, വി.കെ. ബൈജു, കലാശാല ബാബു, നസീര്‍ സംക്രാന്തി, കെ.ടി.എസ്. പടന്നയില്‍. വിനുരാഘവ്, റിനീഷ്, റയിസ്, ഡോണ റൊസാരിയോ, ആദിസുദേവ്, സുറുമി, കാര്‍ത്തിക, അഞ്ജലി, ബേബി മീധിക എന്നിവരാണ് പ്രധാന അഭിനേതാക്കള്‍.
Post Your Comments