വിവിധ ഭാഷകളില്‍ വലിയ വിജയമായി തീര്‍ന്ന ബിഗ് ബോസ് റിയാലിറ്റി ഷോ മലയാളത്തിലും. മോഹന്‍ലാല്‍ അവതാരകനായി എത്തുന്ന ബിഗ് ബോസ് മലയാളം പതിപ്പ് അവസാനഘട്ടത്തിലേയ്ക്ക്. ഷോ തീരാന്‍ ദിവസങ്ങള്‍ മാത്രം അവശേഷിക്കുമ്പോള്‍ ഇന്ന് നടക്കുന്നത് എലിമിനേഷന്‍.
ബിഗ് ബോസിൽ നോമിനേഷൻ വഴിയുള്ള അവസാന നോമിനേഷനാണിത്. ഏഴ് പേരിൽ സാബു, പേർളി മാണി, ഷിയാസ് കരീം, അർച്ചന സുശീലൻ എന്നിവരാണ് എലിമിനേഷന്‍ ലിസ്റ്റില്‍. ആരാധക പിന്തുണയിൽ മുന്നിൽ നിൽക്കുന്ന ഈ നാല് പേരേയും പുറത്താക്കലിൽ നിന്നും രക്ഷിക്കാനുള്ള കടുത്ത പോരാട്ടത്തിലാണ് പുറത്ത് ഇവരുടെ ആരാധകർ.
എലിമിനേഷനിൽ വരുന്നവരിൽ ഒരാൾ മാത്രമാണ് പുറത്താകുക. എന്നാല്‍ സാധാരണഗതിയില്‍ നിന്നും മാറി ഈ ആഴ്ച്ച രണ്ട് പേർ പുറത്തു പോകുമോ എന്ന സംശയത്തിലാണ് ആരാധകര്‍. ഏഴ് തവണ എലിമിനേഷനെ അതിജീവിച്ച താരമാണ് പേർളി മണി. സാബു, ഷിയാസ് കരീം, അർച്ചന സുശീലൻ എന്നിവരിൽ ആരു പുറത്തു പോയാലും അത് അനിതീയാണെന്ന വിമർശനം ആരാധകർക്കുണ്ട്. ശ്രീനിഷ്, അരിസ്റ്റോ സുരേഷ്, അദിതി എന്നിവർ വോട്ടിംഗിനെ നേരിടാതെ നേരിട്ട് ഫൈനലിലേക്ക് വന്നതാണ് ഈ വിമർശനത്തിന് ആക്കം കൂട്ടുന്നത്. അവസാനവാര നോമിനേഷനിൽ എല്ലാവരേയും നോമിനേറ്റ് ചെയ്യേണ്ടിയിരുന്നുവെന്നാണ് ആരാധക പക്ഷം. അടുത്ത ആഴ്ച്ചയാണ് ബിഗ്ബോസ് സീസൺ ഒന്നിന്റെ ഗ്രാൻഡ് ഫിനാലെ നടക്കുന്നത്.
Post Your Comments