ആദ്യം സിനിമാ നടിയും പിന്നീട് തമിഴ്‌നാട് മുഖ്യമന്ത്രിയുമായ ജയലളിതയുടെ വിയോഗം തമിഴക രാഷ്ട്രീയത്തിലും ജന ജീവിതത്തിലും തീരാത്ത വിടവാണ് സൃഷ്ടിച്ചത്. ജയലളിതയുടെ മരണത്തിന് പിന്നാലെ നിരവധി സംവിധായകര്‍ ഇവരുടെ ജീവിതകഥ വെള്ളിത്തിരയില്‍ എത്തിക്കുമെന്ന പ്രഖ്യാപനവുമായി എത്തിയിരുന്നു. ജയലളിതയുടെ ജീവിതം പറയുന്ന സിനിമയുടെ ഫസ്റ്റ് ലുക്ക് പോസ്റ്റര്‍ പുറത്തു വിട്ടിരിക്കുകയാണ് സംവിധായകന്‍ എംആര്‍ മുരുഗദോസ്.
നടന്‍ ശരത്കുമാറിന്റെ മകളും നടിയുമായ വരലഷ്മി ശരത്കുമാര്‍ ജയലളിതയെ അവതരിപ്പിക്കും എന്നായിരുന്നു മുരുഗദോസിന്റെ ആദ്യ പ്രഖ്യാപനം. എന്നാല്‍ ആ ട്വീറ്റ് ഡിലീറ്റ് ചെയ്ത് പുതിയ ട്വീറ്റുമായി രംഗത്തെത്തിയിരിക്കുകയാണ് സംവിധായകന്‍. ദ അയണ്‍ ലേഡി എന്ന പേരിലെത്തുന്ന ചിത്രത്തില്‍ ജയലളിതയായി വേഷമിടുന്നത് മലയാള താരം നിത്യാമേനോന്‍ ആണെന്നാണ് സൂചന. അഭിനേതാക്കള്‍ ആരെന്നുള്‍പ്പെടെയുള്ള വിവരങ്ങള്‍ ഉടന്‍ പുറത്തുവിടുമെന്നും മുരുഗദോസ് അറിയിച്ചിട്ടുണ്ട്.
Post Your Comments