സിനിമയിലെ മികച്ച സൌഹൃദമാണ് രമേശ്‌ പിഷാരടിയും ധര്മ്മജനും. പലരും തെറ്റിക്കാന്‍ നോക്കിയെങ്കിലും മികച്ച രീതിയില്‍ മുന്നോട്ട് പോകുന്ന ഈ സൗഹൃദത്തിലെ മനോഹരമായ ചില നിമിഷങ്ങളെക്കുറിച്ചു പലപ്പോഴും പിഷാരടി പങ്കുവച്ചിട്ടുണ്ട്.
ബഡായി ബംഗ്ലാവ് എന്ന ഹാസ്യ പരിപാടിയിലൂടെ മിനിസ്ക്രീന്‍ പ്രേക്ഷകരുടെ ജനപ്രിയ താരങ്ങളായി മാറിയ ധര്മ്മജന് ഹാസ്യ നടനായി തിളങ്ങുകയും സംവിധായക കുപ്പായത്തിലേയ്ക്ക് പിഷാരടി മാറുകയും ചെയ്തു. ഈ അവസരത്തില്‍ ഒരു മാധ്യമത്തിന് നല്‍കിയ അഭിമുഖത്തില്‍ സ്റ്റേജ് ഷോയില്‍ വെച്ച്‌ ധര്മ്മജന് പണികൊടുത്തത് രമേഷ് പിഷാരടി പങ്കുവച്ചു.
ഒരു ചാനലിന്റെ അവാര്‍ഡ് നിശയ്ക്കിടെ ധര്‍മ്മജനെ കഥാപാത്രമാക്കി സഞ്ചാരം എന്നാരു വീഡിയോ പിഷാരടി അവതരിപ്പിച്ചിരുന്നു. ഈ വീഡിയോയ്ക്ക് ലഭിച്ച പ്രേക്ഷക സ്വീകാര്യതയെക്കുറിച്ചു ചോദിച്ചപ്പോഴാണ് വീഡിയോയ്ക്ക് പിന്നിലെ രഹസ്യം പിഷാരടി വെളിപ്പെടുത്തിയത്.
ധര്‍മ്മജനോട് പറയാതെയായിരുന്നു താന്‍ ആ വീഡിയോ തയ്യാറാക്കിയതെന്ന് പിഷാരടി പറയുന്നു. മിയയെയും അമ്മയെയും സഹായിക്കണമെന് ഞാന്‍ അവനോട് പറഞ്ഞിരുന്നു. എന്നാല്‍ ഷൂട്ടിംഗിന്റെ കാര്യമൊന്നും പറഞ്ഞില്ലായിരുന്നു. സത്യത്തില്‍ ഞാന്‍ അവനെ കുഴിയില്‍ ചാടിക്കുകയായിരുന്നു.ടിവിയില്‍ കാണുന്നതിനേക്കാള്‍ പ്രതികണമാണ് അന്ന് ആ വീഡിയോയ്ക്ക് ലഭിച്ചിരുന്നത്,രമേഷ് പിഷാരടി പറയുന്നു.
Post Your Comments