മോഹന്‍ലാല്‍ അവതാരകനായി എത്തുന്ന ബിഗ് ബോസ് റിയാലിറ്റി ഷോ മലയാളം ടെലിവിഷന്‍ പരിപാടികളില്‍ ജന്സപ്രിയമായി മുന്നേറുകയാണ്. പതിനാറു മത്സരാര്‍ത്ഥികളുമായി തുടങ്ങിയ ഷോ എണ്‍പത്തിരണ്ടു ദിവസങ്ങള്‍ പിന്നിട്ടുകഴിയുമ്പോള്‍ എട്ടുപേര്‍മാത്രമാണ് ഷോയില്‍ ഉള്ളത്. അതില്‍ ആറ് പേരാണ് ഇത്തവണത്തെ എലിമിനേഷനിലുള്ളത്. ആരായിരിക്കും പുറത്ത് പോവുന്നതെന്ന് അറിയാനുള്ള ആകാംഷയിലാണ് പ്രേക്ഷകര്‍. സോഷ്യല്‍ മീഡിയയില്‍ നടക്കുന്ന ചര്‍ച്ചകള്‍ പ്രകാരം ഇന്നത്തെ എലിമിനേഷനില്‍ പുറത്താകുന്നത് ബഷീറോ അര്ച്ചനയോ എന്ന സംശയത്തിലാണ് ആരാധകര്‍.
ബിഗ് ബോസ്സില്‍ എലിമിനേഷന്‍ നടക്കുമ്പോള്‍ അതിനു മുന്‍പുള്ള ദിവസങ്ങളില്‍ തന്നെ സോഷ്യല്‍ മീഡിയയില്‍ പുറത്താകുന്ന വ്യക്തിയെക്കുറിച്ച് റിപ്പോര്‍ട്ടുകള്‍ എത്തുമായിരുന്നു. എന്നാല്‍ ഇപ്രാവിശ്യം ബിഗ് ബോസ് ഒരു സൂചനയും മുന്നോട്ട് വെച്ചിട്ടില്ല. കഴിഞ്ഞ ആഴ്ചയിലെ എലിമിനേഷനില്‍ അതിഥിയെ പുറത്താക്കിയതായി കാണിച്ച് ഒരു ട്വിസ്റ്റ് നടന്നിരുന്നു. എന്നാല്‍ ഹിമയായിരുന്നു പുറത്തായത്. ഈ ആഴ്ചയും അതുപോലൊരു ട്വിസ്റ്റ് ഉണ്ടാവുമെന്നാണ് റിപ്പോര്‍ട്ടുകള്‍.
ചിലര്‍ ബഷീര്‍ പുറത്ത് പോവുമെന്ന് പ്രവചനം നടത്തിയിരിക്കുകയാണ്. എന്നാല്‍ അര്‍ച്ചനയുടെ പേരും ഇതിനൊപ്പം കേള്‍ക്കുന്നുണ്ട്. രണ്ട് പേര്‍ക്കും വോട്ട് കുറവാണെന്നാണ് സോഷ്യല്‍ മീഡിയയിലെ ചര്‍ച്ച. മൂന്നാമതുള്ളത് സുരേഷാണ്. ശേഷം ശ്രീനിഷ് എന്നിവരാണ് വോട്ടില്‍ പിന്നോട്ട് നില്‍ക്കുന്നവരാണ്. പേളിയും സാബു മോനുമാണ് വോട്ട് നേടി മുന്നില്‍ നില്‍ക്കുന്നവര്‍. ഇരുവരുമാണ് ബിഗ് ബോസിലെ ശക്തരായ മത്സരാര്‍ത്ഥികള്‍.
Post Your Comments