മലയാളികളുടെ പ്രിയതാരമായി താരപുത്രന്‍ പ്രണവ് മോഹന്‍ലാല്‍ മാറികഴിഞ്ഞു. ആദിയുടെ വമ്പന്‍ വിജയത്തിന് ശേഷം അരുണ്‍ഗോപി ഒരുക്കുന്ന പുതിയ ചിത്രത്തിന്‍റെ തിരക്കിലാണ് പ്രണവ്. ചിത്രത്തിന്റെതായി പുറത്തിറങ്ങിയ ടൈറില്‍ പോസ്റ്ററിന് മികച്ച സ്വീകാര്യതയായിരുന്നു സമൂഹ മാധ്യമങ്ങളില്‍ ലഭിച്ചിരുന്നത്. ഇരുപത്തിയൊന്നാം നൂറ്റാണ്ട് എന്ന് പേരിട്ടിരുക്കുന്ന ചിത്രത്തിലെ ലൊക്കേഷന്‍ ചിത്രങ്ങള്‍ പ്രചരിപ്പിക്കരുതെന്ന അഭ്യര്‍ത്ഥനയുമായി സംവിധായകന്‍. തന്റെ ഫേസ്ബുക്ക് പേജ് വഴിയായിരുന്നു ചിത്രത്തെ സംബന്ധിച്ചുളള ഒരു അഭ്യര്‍ത്ഥനയുമായി അരുണ്‍ ഗോപി എത്തിയിരുന്നത്.
അരുണ്‍ ഗോപിയുടെ പോസ്റ്റ് :
പ്രിയമുള്ളവരേ നിങ്ങൾ നമ്മുടെ സിനിമയോടും പ്രണവിനോടും കാണിക്കുന്ന ഈ സ്‌നേഹത്തിനു സ്നേഹത്തോടെ തന്നെ നന്ദി പറയുന്നു പക്ഷെ അതിന്റെ പേരിൽ ഞങ്ങളുടെ ലൊക്കേഷൻ സ്റ്റിൽസ് ഞങ്ങളുടെ അനുവാദമോ അറിവോ ഇല്ലാതെ ഷെയർ ചെയ്തു പ്രചരിപ്പിക്കരുത് എന്ന് വിനയത്തോടെ അഭ്യർത്ഥിക്കുന്നു, അതുമൂലം ഞങ്ങൾക്കുണ്ടാകുന്ന ബുദ്ധിമുട്ടുകൾ ദയവു ചെയ്തു മനസിലാക്കുക, സിനിമയ്ക്ക് പിന്നിലെ ചിന്തകൾ നിങ്ങൾ മാനിച്ചു ഞങ്ങൾക്കൊപ്പം നിൽക്കണമെന്ന് അഭ്യർത്ഥിക്കുന്നു
Post Your Comments