മലയാളത്തിന്റെ പ്രിയ നടന് മമ്മൂട്ടി തമിഴകത്തും താരമാകാന്‍ ഒരുങ്ങുന്നു. മമ്മൂട്ടിയും ഗോകുല്‍ സുരേഷും ഒന്നിച്ച സൂപ്പര്‍ഹിറ്റ്‌ ചിത്രമായ ‘മാസ്റ്റര്‍പീസ്‌’, തമിഴില്‍ ‘ചാണക്യന്‍’ ആയി പ്രദര്‍ശനത്തിനെത്തുന്നു. ചിത്രത്തില്‍ ഗോകുല്‍ സുരേഷ് അഭിനയിക്കുന്ന മധുമൊഴി രാധേ.. എന്ന് തുടങ്ങുന്ന മനോഹര ഗാനം പുറത്തിറങ്ങി. ചിത്രത്തിലെ അതിമനോഹരമായ ക്യാമ്പസ് ഗാനം ഈസ്റ്റ്‌ കോസ്റ്റ് യൂട്യൂബ് ചാനലിലൂടെ അസ്വാദകരിലേയ്ക്ക്..
മധുമൊഴി രാധേ. എന്ന് തുടങ്ങുന്ന ഗാനം ആലപിച്ചിരിക്കുന്നത് മുഗേഷാണ് . വിവേകയുടെതാണ് വരികള്‍ക്ക് ദീപക് ദേവ് ഈണം പകര്‍ന്നിരിക്കുന്നു.
പുലിമുരുകനു ശേഷം ഉദയ കൃഷ്ണ തിരക്കഥയെഴുതിയ ചിത്രത്തിൽ എഡ്ഡി എന്ന കോളജ് അധ്യാപകന്റെ വേഷത്തിൽ മമ്മൂട്ടി എത്തുന്നു. ചിത്രം സംവിധാനം ചെയ്തിരിക്കുന്നത് അജയ് വാസുദേവ്. റോയല്‍ സിനിമാസിന്റെ ബാനറില്‍ സി.എച്ച് മുഹമ്മദ്‌ നിര്‍മ്മിച്ചിരിക്കുന്ന ചിത്രത്തില്‍ മമ്മൂട്ടിയ്ക്ക് പുറമേ ഉണ്ണിമുകുന്ദന്‍, വരലക്ഷ്മി ശരത് കുമാര്‍, പൂന ബജ്‌വ, ഗോകുല്‍ സുരേഷ് , ലെന, മഖ്ബൂല്‍ സല്‍മാന്‍ തുടങ്ങി വന്‍ താരനിരയും അണിനിരക്കുന്നു
Post Your Comments