നീ അഭിനയിച്ചാൽ മതിയെന്ന് പരിഹസിച്ച വിമര്‍ശകന് മറുപടിയുമായി മലയാളത്തിന്റെ യുവ താരം ടൊവിനോ. താരത്തിന്റെ പുതിയ ചിത്രം തീവണ്ടി തിയറ്ററില്‍ മികച്ച പ്രതികരണം നേടുകയാണ്‌. എന്നാലും ചിഹ്രത്തിന്റെ ചില ഭാഗങ്ങള്‍ സോഷ്യല്‍ മീഡിയയില്‍ പ്രചരിക്കുന്നു. ഇത്തരം വ്യാജന്മാര്‍ പ്രചരിക്കുന്നതിനെതിരെ പോസ്റ്റ് ചെയ്ത കുറിപ്പില്‍ പരിഹസിച്ച് കമന്റ് ചെയ്ത ആരാധകന് മറുപടി നൽകിയിരിക്കുകയാണ് ടൊവിനോ . സിനിമയിൽ നിലയുറിപ്പിച്ചിട്ട് മതി സാമൂഹിക ശുദ്ധീകരണം എന്ന കമന്റിന് എന്തുചെയ്യണം എന്ന് തീരുമാനിക്കുന്നത് ഞാനാണെന്ന് ടൊവിനോ മറുപടി നൽകി.
റിലീസ് ചിത്രങ്ങളുടെ വ്യാജൻ പുറത്തിറങ്ങുന്നതിലുള്ള പ്രതിഷേധമാണ് ടൊവിനോ കുറിപ്പിലൂടെ പറഞ്ഞത്. സ്റ്റോപ്പ് പൈറസി എന്ന ചിത്രവും താരം പങ്കുവെച്ചിട്ടുണ്ട്. പോസ്റ്റിൽ വന്ന ഒരു കമന്റ് ഇങ്ങനെ: ”ടൊവിനോ, മലയാളത്തിൽ ഒരു ചൊല്ലുണ്ട്. പുത്തനച്ചി പുരപ്പുറവും തൂക്കും എന്ന്. സിനിമാലോകത്ത് വന്നിട്ട് ഇത്രയല്ലേ ആയിട്ടുള്ളൂ, ആദ്യം നീ ഒന്ന് നിലയുറപ്പിക്ക്. എന്നിട്ടാകാം സാമൂഹിക ശുദ്ധീകരണം. നീ അഭിനയിച്ചാൽ മതി, എവിടെ നിന്ന് കാണണം എന്ന് ഞങ്ങൾ തീരുമാനിക്കും.”
ഈ കമന്റിന് ടൊവിനോ നൽകിയ മറുപടി ഇങ്ങനെ: ഞാൻ എന്ത് ചെയ്യണം എന്ന് തീരുമാനിക്കുന്നത് ഞാൻ തന്നെയാണ് . നീ അല്ല ! അതെന്നും അങ്ങനെ തന്നെ ആയിരിക്കും . ഞാൻ സിനിമയിൽ ഉണ്ടെങ്കിലും ഇല്ലെങ്കിലും.
Post Your Comments