നടന്‍ സുധീഷില്‍ നിന്ന് ആരും ഇങ്ങനെയൊന്നും പ്രതീക്ഷിക്കില്ല, അത്രത്തോളം മാറ്റവുമായിട്ടാണ് സുധീഷിലെ നടന്‍ ‘തീവണ്ടി’ എന്ന സിനിമയില്‍ പെര്‍ഫോം ചെയ്യുന്നത്, പ്രായമേറെ കടന്നിട്ടും പ്രായം ചെല്ലാത്ത കോളേജ് ഇമേജ് പയ്യനില്‍ തളയ്ക്കപ്പെട്ടിരുന്ന സുധീഷ്‌ ട്രോളര്‍മാര്‍ക്കിടയിലെ സൂപ്പര്‍ താരമായിരുന്നു, എന്നാല്‍ തീവണ്ടി എന്ന ചിത്രത്തിലൂടെ പ്രേക്ഷകരെ അക്ഷരാര്‍ത്ഥത്തില്‍ ഞെട്ടിച്ചിരിക്കുകയാണ് മലയാളികളുടെ സ്വന്തം കിണ്ടി.
‘തീവണ്ടി’ തിയേറ്ററില്‍ കുതിച്ചോടുമ്പോള്‍ ബിനീഷിന്റെ അമ്മാവനായി ഗംഭീര പ്രകടനമാണ് സുധീഷ്‌ ചിത്രത്തിലുടനീളം കാഴ്ചവയ്ക്കുന്നത്, വളരെ സരസമായി ആവിഷ്കരിച്ചിരിക്കുന്ന സുധീഷിന്റെ അമ്മാവന്‍ വേഷം തിയേറ്ററില്‍ കയ്യടി നേടുന്നുണ്ട്. പുകവലിയുടെ ലോകത്തേക്ക് ബിനീഷിനെ കൈപിടിച്ച് നടത്തുന്നതും ഇതേ അമ്മാവന്‍ തന്നെയാണ്, ഏതായാലും നടന്‍ സുധീഷിന്റെ ഈ മാറ്റം മലയാള സിനിമയ്ക്ക് ഇനിയും പുതിയ ഒരുപാട് കഥാപാത്രങ്ങള്‍ സംഭാവന ചെയ്യുമെന്നത് തീര്‍ച്ചയാണ്.
പുകവലി വിഷയം കൈകാര്യം ചെയ്യുന്ന ‘തീവണ്ടി’ നര്‍മത്തിലൂന്നിയാണ് സംവിധായകന്‍ ഫെലിനിയും ടീമും അവതരിപ്പിച്ചിരിക്കുന്നത് , ഓഗസ്റ്റ് സിനിമാസ് നിര്‍മ്മിച്ച ചിത്രത്തിന്റെ രചന നിര്‍വഹിച്ചിരിക്കുന്നത് വിനി വിശ്വലാല്‍ ആണ്.
Post Your Comments