തെന്നിന്ത്യന്‍ സിനിമാ ലോകത്ത് നടിപ്പിന്‍ നായകന്മാര്‍ക്ക് പേര് പലതാണ്. സ്റ്റൈല്‍ മന്നന്‍ രാജനികാന്ത്‌, ഉലകനായകന്‍ കമല്‍ ഹസന്‍, തല അജിത്‌ ഇളയ ദളപതി വിജയ് എന്ന് തുടങ്ങി ഇഷ്ടതരങ്ങള്‍ക്ക് വിശേഷണങ്ങള്‍ ധാരാളം. എന്നാല്‍ തമിഴ് സിനിമയിൽ ഓരോ ഒരു ക്യാപ്ടനെയുള്ളൂ. അതാണ്‌ സാക്ഷാല്‍ വിജയകാന്ത്. സിനിമ വിട്ട് രാഷ്ട്രീയത്തിലേക്ക് പ്രവേശിച്ച വിജയ് കാന്ത് സ്വന്തം രാഷ്ട്രീയ പാർട്ടി രൂപീകരിച്ച് തമിഴ്നാടിന്റെ പ്രതിപക്ഷ നേതാവായി വളര്‍ന്നു. ഒരു കാലത്ത് തമിഴ് സിനിമയില്‍ സൂപ്പര്‍ താര പദവി അലങ്കരിച്ചിരുന്ന താരത്തിന്റെ പുതിയ മാറ്റത്തില്‍ ഞെട്ടിയിരിക്കുകയാണ് ആരാധകര്‍.
കരുണാനിധിയുടെ സ്മൃതിമണ്ഢപത്തിൽ പുഷ്പങ്ങൾ അർപ്പിക്കാൻ ഭാര്യയുടെയും സഹായിയുടെയും കൈ പിടിച്ച് ക്ഷീണിതനായി നടന്നു വരുന്ന വിജയകാന്തിന്റെ വീഡിയോയാണ് സമൂഹമാധ്യമങ്ങളില്‍ പ്രചരിക്കുന്നത്. വിറയൽ ബാധിച്ച ശരീരവും ഇടറുന്ന, വേച്ച് വീഴാൻ തുടങ്ങുന്ന നടത്തവും. വിജയകാന്ത് അസുഖ ബാധിതനായി വിദഗ്ധചികിത്സയ്ക്ക് വിധേയനായതായും, ഗുരുതരാവസ്ഥയിലാണെന്നും ഈയിടെ വാർത്ത പരന്നിരുന്നു
Post Your Comments