മലയാളത്തിന്റെ യുവ സൂപ്പര്‍താരം പൃഥ്വിരാജ് വിസ്മയ നടന്‍ മോഹന്‍ലാലിനെ നായകനാക്കി ഒരുക്കുന്ന ചിത്രമാണ് ലൂസിഫര്‍. പൃഥ്വി ആദ്യമായി സംവിധായകനാകുന്ന ലൂസിഫറിന്റെ ചിത്രീകരണം പുരോഗമിക്കുകയാണ്. ചിത്രത്തിന്‍റെ ചിത്രീകരണം കാണാനെത്തിയവരുടെ ജനത്തിരക്കിന്റെ വീഡിയോ സോഷ്യല്‍ മീഡിയയില്‍ വൈറല്‍ ആയിരുന്നു. എന്നാല്‍ അതിന് മോഹന്‍ലാല്‍ മാത്രമല്ല കാരണം എന്നാണ് പൃഥ്വിരാജ് പറയുന്നത്.
താരത്തിന്റെ വാക്കുകള്‍ ഇങ്ങനെ … ‘സാമൂഹിക മാധ്യമങ്ങളില്‍ നിന്ന് ലൂസിഫറിന്റെ ലൊക്കേഷനിലെ ജനത്തിരക്ക് നിങ്ങള്‍ കണ്ടിട്ടുണ്ടായിരിക്കും എന്ന് കരുതുന്നു. അതിന്റെ കാരണം ഇതിലെ നായകന്‍ ലാലേട്ടന്‍ (മോഹന്‍ലാല്‍) ആയതുകൊണ്ട് മാത്രമല്ല. വലിയ ആള്‍ക്കൂട്ടമുള്ള സീനാണ് ഇപ്പോള്‍ ചിത്രീകരിക്കുന്നത്. ലൂസിഫറിന്റെ കൂടുതല്‍ വിശേഷങ്ങള്‍ ഇനി വരും കാലങ്ങളില്‍ നിങ്ങളുമായി പങ്കുവെക്കാം’പൃഥ്വിരാജ് പറഞ്ഞു. ലൂസിഫറിന്റെ സെറ്റില്‍ നിന്നുള്ള പൃഥ്വിരാജിന്റെ ലൈവിന് ഇടയിലായിരുന്നു അദ്ദേഹമിത് പറഞ്ഞത്.
Post Your Comments