മോഹന്‍ലാല്‍ അവതാരകനായി എത്തുന്ന ബിഗ് ബോസ് റിയാലിറ്റി ഷോയില്‍ നിന്നും ഹിമ ശങ്കര്‍ വീണ്ടും പുറത്താകുന്നതായി വാര്‍ത്തകള്‍. ഷോയില്‍ നിന്നും എലിമിനേഷനിലൂടെ പുറത്ത് പോയ മത്സരാര്‍ത്ഥിയായിരുന്നു ഹിമ ശങ്കര്‍. എന്നാല്‍ അഞ്ജലി അമീര്‍ പുറത്ത് പോയതിന് ശേഷം ബിഗ് ബോസിലേക്ക് വൈല്‍ഡ് കാര്‍ഡ് എന്‍ട്രിയിലൂടെ തിരികെ ഹിമ എത്തുകയായിരുന്നു.
തിരിച്ചെത്തിയ ശേഷം ശക്തമായ പ്രകടനം കാഴ്ച വച്ച ഹിമ ഇന്ന് നടക്കുന്ന എലിമിനേഷനില്‍ കൂടി പുറത്താകുമെന്ന് സോഷ്യല്‍ മീഡിയ റിപ്പോര്‍ട്ടുകള്‍. കഴിഞ്ഞ ദിവസം സാബുവും ഹിമയും തമ്മില്‍ വഴക്കുണ്ടായി. ബിഗ് ബോസ് ഹൗസില്‍ നിന്നും മുട്ട കഴിക്കുന്നതിന്റെ പേരിലും മറ്റും തുടങ്ങിയ പ്രശ്‌നം വലിയ വഴക്കിലേക്ക് എത്തുകയായിരുന്നു. ആഹാരത്തോട് ബഹുമാനം വേണമെന്നും അത് വേണമെങ്കില്‍ നല്ല തന്തയ്ക്കും തള്ളയ്ക്കും പിറക്കണമെന്നും ഹിമയോട് സാബു പറഞ്ഞിരുന്നു. ഇത് ഹിമയെ ദേഷ്യം പിടിപ്പിച്ചിരുന്നു.
മുട്ട റേഷന്‍ എന്ന് ഹിമയ്ക്ക് പറഞ്ഞ് കൊടുത്തത് പേളിയായിരുന്നു. തുടര്‍ന്ന് അത് സാബുവും ഹിമയും തമ്മിലുള്ള വഴക്കിലേക്ക് എത്തുകയായിരുന്നു. ഇവര്‍ ഇരുവരും തമ്മിലുള്ള വഴക്കിന് മൂല കാരണം പേളിയാണെന്നാണ് ട്രോളന്മാര്‍ പറയുന്നത്. എലിമിനേഷന്‍ ദിവസത്തിന്റെ ഷൂട്ട് കഴിഞ്ഞെന്നും ഹിമയാണ് ഈ ആഴ്ച പുറത്ത് പോയിരിക്കുന്നതെന്നും ഫേസ്ബുക്ക് പേജുകളില്‍ പ്രചരിക്കുന്നു.
Post Your Comments