പ്രേമം സിനിമയിലൂടെ മലയാളികളുടെ മനം കവര്‍ന്ന നായികയാണ് മഡോണ. മലയാളത്തില്‍ ഒന്ന് രണ്ടു ചിത്രങ്ങളില്‍ മാത്രം അഭിനയിച്ച മഡോണ തമിഴ്, തെലുങ്ക് ഭാഷകളില്‍ തിരക്കുള്ള താരമായി മാറിക്കഴിഞ്ഞു. പതിനെട്ടു വയസുവരെ ഒറ്റകുട്ടിയായി വളർന്ന മഡോണ അമ്മ ഗര്ഭിണിയാണെന്നറിഞ്ഞ നിമിഷത്തെ കുറിച്ച് പങ്കു വയ്ക്കുന്നു.
ഒരു ചാനലിനു നല്‍കിയ അഭിമുഖത്തിലാണ് താരം ഇതിനെക്കുറിച്ച് പറയുന്നത്. “അമ്മ ഗര്‍ഭിണി ആണെന്ന് അറിഞ്ഞപ്പോള്‍ എങ്ങനെ പ്രതികരിക്കണമെന്ന് എനിക്കറിയില്ലായിരുന്നു. പതിനെട്ട് വര്‍ഷത്തോളം ഒറ്റക്കുട്ടിയായി വന്ന് പെട്ടെന്ന് ഒരു ദിവസം അച്ഛന്‍ പറയുകയാണ് ‘ഡോണ ഒരു വാര്‍ത്തയുണ്ട്, അമ്മ ഗര്‍ഭിണി ആണെന്ന്’. അച്ഛന്‍റെ കൈയ്യില്‍ റിപ്പോര്‍ട്ടും ഉണ്ടായിരുന്നു. ഞാന്‍ ആലോചിക്കുന്നുണ്ട്, ശരിക്കും ഞാന്‍ സന്തോഷിക്കുകയാണ് വേണ്ടത് പിന്നെന്താണ് ഇങ്ങനെ എന്ന്. എനിക്ക് ചിരി വരുന്നില്ല. എന്താ ചെയ്യേണ്ടത് എന്ന് അറിയില്ല, അതായിരുന്നു എന്റെ പ്രതികരണം. ഞാന്‍ എന്നോട് തന്നെ പറയുന്നുണ്ട് കണ്‍ഫ്യൂഷന്‍ അടിച്ചിരിക്കുന്നതിന് പകരം നീയെന്താ സന്താഷിക്കാത്തതെന്ന്. പക്ഷേ ഒരു കുട്ടി കണ്‍ഫ്യൂസ്ഡ് ആകില്ലേ പെട്ടെന്ന്. പക്ഷേ എത്ര പേര്‍ക്കുണ്ട് ഈ ഭാഗ്യം, അമ്മ ഗര്‍ഭിണി ആയിരിക്കുന്നത് ഞാന്‍ കണ്ടു. ഒരു രാജ്ഞിയെപ്പോലെ ആയിരുന്നു. ഒരു നീല വസ്ത്രമണിഞ്ഞ് വലിയ വയറൊക്കെയായി അമ്മ ആകാശം നോക്കി നില്‍ക്കുന്ന ഒരു ചിത്രമുണ്ട് അതെനിക്കേറെ ഇഷ്ടമാണ്.”
Post Your Comments