മഴക്കെടുതിയില്‍ ജീവിതം വഴിമുട്ടിയ കേരള ജനതയ്ക്ക് കൈത്താങ്ങായി ടോവിനോ തോമസ്‌ എന്ന താരം രാവും പകലും കൂടെയുണ്ടായിരുന്നു. തന്റെ സിനിമാ കാണാന്‍ വേണ്ടിയാണു ടോവിനോ ഇതൊക്കെ ചെയ്യുന്നതെന്ന് സോഷ്യല്‍ മീഡിയയില്‍ ഒരു വിഭാഗക്കാര്‍ താരത്തെ വിമര്‍ശിച്ചിരുന്നു.
‘സിനിമ കാണാന്‍ വേണ്ടിയാണ് ഞാന്‍ ഇതൊക്കെ ചെയ്യുന്നതെന്ന് ഒരിക്കല്‍ പോലും പറയരുതെന്നായിരുന്നു’, ടോവിനോയുടെ അപേക്ഷ.
ടോവിനോ നായകനാകുന്ന ‘തീവണ്ടി എന്ന ചിത്രം നാളെ പ്രദര്‍ശനത്തിനെത്താനിരിക്കെ താരം പങ്കുവെച്ച ഒരു പോസ്റ്റിനു താഴെ വന്ന കമന്റും അതിനു ടോവിനോ നല്‍കിയ മറുപടിയുമാണ് സോഷ്യല്‍ മീഡിയില്‍ ഇപ്പോള്‍ ചര്‍ച്ചയായിരിക്കുന്നത്.
ആരാധകന്റെ കമന്റ് ; ‘ദുരിത സമയത്ത് കൂടെ നിന്നതിനു ഒരായിരം നന്ദി പറയുന്നു . പക്ഷെ അതിന്റെ പേരില്‍ മാത്രം ഈ പടം കാണാന്‍ ഉദ്ദേശിക്കുന്നില്ല, (താങ്കളും അത് തീരെ ആഗ്രഹിക്കുന്നില്ല എന്നറിയാം) നല്ല പടം ആണെങ്കില്‍ തീര്‍ച്ചയായും കണ്ടിരിക്കും’.
ടോവിനോയുടെ മറുപടി; ‘സത്യം അങ്ങനെയേ പാടുള്ളൂ , സിനിമ വേറെ ജീവിതം വേറെ’.
Post Your Comments