മലയാള സിനിമയില്‍ വര്‍ഷങ്ങളായി ജ്വലിച്ചു നില്‍ക്കുന്ന താരചക്രവര്‍ത്തിമാരാണ് മമ്മൂട്ടിയും, മോഹന്‍ലാലും, രണ്ടുപേരുടെയും സിനിമ സമീപനത്തില്‍ കാര്യമായ മാറ്റമുണ്ടെന്ന് വ്യക്തമാക്കുകയാണ് സംവിധായകനും, രചയിതാവുമായ രഞ്ജിത്ത്.
സിനിമയില്‍ കൂടുതല്‍ പരീക്ഷണത്തിനു മുതിരുന്ന വ്യക്തിയാണ് മമ്മൂട്ടിയെന്നു രഞ്ജിത്ത് പറയുന്നു. ഒരാളുടെ കയ്യില്‍ ഒരു തിരക്കഥയുണ്ടെന്നറിഞ്ഞാല്‍ അത് തേടിപോയി പരീക്ഷണം നടത്തുന്ന വ്യക്തിയാണ് അദ്ദേഹമെന്നും എന്നാല്‍ മോഹന്‍ലാല്‍ അങ്ങനെയുള്ള ആളല്ലെന്നും രഞ്ജിത്ത് വിശദീകരിക്കുന്നു, മോഹന്‍ലാലിനു ചുറ്റും എപ്പോഴും ഒരു ടീമുണ്ട് അതിനുള്ളില്‍ നിന്ന് വര്‍ക്ക് ചെയ്യാനാണ് അദ്ദേഹം കൂടുതല്‍ ഇഷ്ടപ്പെടുന്നതെന്നും മുന്‍പൊരിക്കല്‍ ഒരു അഭിമുഖ പരിപാടിയില്‍ സംസാരിക്കവേ രഞ്ജിത്ത് വിശദീകരിച്ചു.
മോഹന്‍ലാലിനെ നായകനാക്കിയ ‘ഡ്രാമ’ എന്ന രഞ്ജിത്ത് ചിത്രം വൈകാതെ തന്നെ റിലീസിനെത്തും. മമ്മൂട്ടിയുമായി ഒന്നിച്ച രഞ്ജിത്തിന്റെ ഒടുവിലത്തെ ചിത്രം പുത്തന്‍പണം ബോക്സോഫീസില്‍ വലിയ പരാജയം ഏറ്റുവാങ്ങിയിരുന്നു.
Post Your Comments