ജയസൂര്യ നായകനായ പ്രേതം എന്ന ചിത്രത്തിന് രണ്ടാം ഭാഗം എത്തുന്നു. രഞ്ജിത്ത് ശങ്കറിന്റെ സംവിധാനത്തില്‍ കോമഡി ഹൊറര്‍ രീതിയില്‍ ഒരുങ്ങിയ ഈ ചിത്രത്തില്‍ അജു വര്‍ഗീസ്,ഷറഫുദ്ദീന്‍,ഗോവിന്ദ് പത്മസൂര്യ തുടങ്ങിയവര്‍ മുഖ്യ കഥാപാത്രങ്ങളെ അവതരിപ്പിച്ചിരുന്നു. ജയസൂര്യയുടെയും രഞ്ജിത്തിന്റെയും പ്രൊഡക്ഷന്‍ കമ്പിനിയായിരുന്നു ഡ്രീസ് ആന്‍ഡ് ബിയോണ്ട്‌സ് ആയിരുന്നു ഈ ചിത്രം നിര്‍മ്മിച്ചിരുന്നത്.
ചിത്രത്തിന് രണ്ടാം ഭാഗം വരുന്നുണ്ടെന്ന് സംവിധായകന്‍ വെളിപ്പെടുത്തി. ഒന്നാം ഭാഗത്തില്‍ നിന്നും തീര്‍ത്തും വ്യത്യസ്തമായി ഒരുക്കുന്ന ഈ ചിത്രത്തിലും ജയസൂര്യ തന്നെ നായക വേഷത്തില്‍ എത്തും.പൃഥ്വിരാജിന്റെ വിമാനം എന്ന ചിത്രത്തിലൂടെ ശ്രദ്ധേയയായ നടി ദുര്‍ഗ കൃഷ്ണനും ക്വീന്‍ എന്ന ചിത്രത്തിലൂടെ ശ്രദ്ധേയയായ നടി സാനിയ അയ്യപ്പനുമാണ് നായികമാര്‍. ക്രിസ്തുമസ് റിലീസായിട്ടാകും ഈ ജയസൂര്യ ചിത്രം എത്തുക.
Post Your Comments